काठमाडौँ । नेकपा एमालेका सांसद योगेशकुमार भट्टराईले अहिलेको सरकारले देशको अर्थतन्त्र उकास्न नसक्ने बताएका छन् । आज मङ्गलवार प्रतिनिधिसभाको बैठकमा सरकारले प्रस्तुत गरेका बजेटका सिद्धान्त र प्राथमिकताका बारेमा बोल्दै उनले वर्तमान गठबन्धन परिवर्तन नगर्ने हो भने देशको अर्थतन्त्र धरासय हुँदै जाने बताएका हुन् ।
वर्तमान सरकारलाई विदेशी र नेपाली लगानीकर्ताले विश्वास गर्ने वातावरण पनि नरहेको बताएका छन् । अहिलेकै जोडी बनाइरहने हो भने प्रधानमन्त्रीको फिल्म सुपर फ्लप हुने निश्चितप्रायः रहेको उनको भनाइ रहेको छ । सांसद भट्टराईले वर्तमान अर्थतन्त्र उकास्नका लागि सत्ता गठबन्धनमा फेरबदल हुनु आवश्यक रहेको बताएका छन् ।
