काठमाडौँ । बोक्सी आरोप लगाउँदै हत्या गरेर फरार रहेको दुई जनालाई पक्राउ गरेको छ । उनीहरूलाई प्रहरीले हत्या गरेको आरोपमा पक्राउ गरेको हो । उपत्यका अपराध अनुसन्धान कार्यालय वानेश्वरले काभ्रेका ४४ वर्षीय टङ्कबहादुर मगर र ४२ वर्षीय सन्तबहादुर मगरलाई पक्राउ गरेको हो ।
२९ असोज २०६५ मा काभ्रेको तत्कालीन आम्बोटो गाविस–१ मा चमारसिंह मगर भनिने जनकबहादुरलाई कुटपिट गरेर उनीहरूले हत्या गरेका थिए । हत्यापछि फरार रहेका उनीहरूलाई खोजतलास गर्ने क्रममा पक्राउ गरेर जिल्ला अदालतमा बुझाइएको छ । प्रहरीले १५ वर्ष पुरानो यो मामलामा थप अनुसन्धान गरिरहेको छ ।