काठमाडौँ । नायक पल शाहले रौतहट मौलापुरमा आयोजित “मधानी विशेष सांस्कृतिक कार्यक्रम” सहभागी हुन पाउँदा आफू धेरै खुसी भएको बताएका छन् । रौतहटको मौलापुरमा गत शुक्रवारदेखि मधानी महोत्सव सुरु भएको हो । महोत्सवको पहिलो दिन भारतीय अभिनेता गोविन्दाले समेतको प्रस्तुति रहेको थियो। सोही कार्यक्रममा अन्य चिर परिचित कलाकारहरूको पनि सहभागिता रहेको थियो ।
मौलापुर कार्यक्रममा पुगेका पल शाहले मौलापुर नगरपालिकाका कामहरू तारिफ योग्य रहेको बताएका छन् । उनले सामाजिक सञ्जाल फेसबुकमा भनेका छन्, ‘शिबरात्रीको अवसर पारेर रौतहट मौलापुरमा आयोजित “मधानी बिशेष सांस्कृतिक कार्यक्रम”मा मलाई आमन्त्रण गर्नु भएकोमा माननिय प्रभु साह ज्यु र नगरप्रमुख रीना कुमारी साह ज्युलाई विशेष धन्यवाद। पतौरा पुरातात्विक महादेव मन्दिरलाई बिश्व सम्पदा सूचिमा सुचीकृत गराउने र मधानी महायज्ञलाई अंतर्राष्ट्रीय स्तरमा पुर्याउने संकल्पका साथ मौलापुर नगरपालिकाले गर्दै आएकोमा नगरपालिकालाई सफलता प्राप्त होस भन्ने हार्दिक शुभकामना व्यक्त गर्दछु।
