जनकपुरधाम: धनुषामा एक वर्षमा १६ जना बालिका बलात्कृत भएको तथ्याङ्क सार्वजनिक भएको छ । अनौपचारीक क्षेत्र सेवा केन्द्र(इन्सेक)ले वर्ष पुस्तक २०१९ को पुर्व समिक्षा कार्यक्रममा २०१८ मा भएका मानव अधिकार उलंघनका घटनाको बिबरण जनकपुरमा सार्वजनिक गरेको हो ।
तथ्याङ्क अनुसार पछिल्लो ११ महिनामा २८ बलात्कारका घटना हुँदा १६ जना बालिका पिडित भएका छन् । बलात्कारपछि २ बालिकाको हत्या समेत भएको छ । ११ महिनामा १८ जना बलात्कृत भएको र १० जना माथि बलात्कारको प्रयास भएको छ ।
साथै जिल्लामा ६ जना महिलामाथि बोक्सीको आरोपमा कुटपिट, यातना र दुव्र्यवहार भएको तथ्याङ्कमा उल्लेख छ । दाइजोका कारण २ जना र बहुविवाहका कारण ६ जना महिला पीडित भएको इन्सेक धनुषाले जनाएको छ । पछिल्लो ११ महिनामा गैर राज्य पक्षबाट ६ जनाको हत्या भएको छ भने परिवारबाटै ३ जनाको हत्या भएको छ । इन्सेकले सार्वजनक गरेको तथ्याङ्क अनुसार धनुषामा ११ महिनामा १ सय ८ मानवअधिकार उलंघनका घटना भएका छन् ।
