कैलाली : पूर्वपश्चिम राजमार्गअन्तर्गत कैलालीको कुचैनी सडकखण्डमा मंगलबार बिहान बस दुर्घटना हुँदा २५ जना घाइते भएका छन् ।
सुर्खेतबाट महेन्द्रनगरतर्फ आउँदै गरेको ना ६ ख २८५४ नम्बरको बस कुचैनी सडकखण्डको पुलमा ठोक्किएको हो ।
चौमालास्थित इलाका प्रहरी कार्यालयका प्रहरी सहायक निरीक्षक टोपबहादुर शाहीका अनुसार दुर्घटनाका घाइतेहरूलाई उपचारका लागि अत्तरिया र धनगढीस्थित विभिन्न अस्पताल लगिएको छ ।
बसको ठक्करले पुलमा पनि क्षति पुगेको प्रहरीले जनाएको छ ।
