पाँचथर : जिल्लाको प्रतिष्ठित फाल्गुनन्द गोल्डकप फुटबल प्रतियोगिताको दशौँ संस्करण पुष २१ गतेदेखि हुने भएको छ। अखिल फुटवल संघ ९एन्फा० को कार्यतालिका अनुसार प्रतियोगिता गर्ने गरी विगतको तुलनामा केहि ढिला प्रतियोगिता सुरु हुने भएको हो।
बुधबार प्रतियोगिता सञ्चालन बारे जानकारी दिन आयोजना गरिएको पत्रकार सम्मेलनमा आयोजक फिदिम स्पोर्टिङ क्वल र पाँचथर फुटवल संघले यस अघिको पुरस्कार राशिमा १ लाख बढाएर चार लाख पुर्याइएको बताएको छ।
प्रतियोगितामा ‘ए’ डिभिजनका क्लबहरु सहित १० टिमको सहभागिता रहने फिदिम स्पोर्टिङ क्लबका अध्यक्ष बिमल श्रेष्ठले जानकारी दिए। प्रतियोगितमा त्रिभुवन आर्मी क्लव, एपिएएफ, हिमालयन शेर्पा, डिवाईन ब्वाईज युनियन, जावलाखेल युथ क्लव, सुनसरी–११, झापा–११, कर्णसिंह सोनाम मेमोरीय क्लव ताप्लेजुङ र आयोजक फिदिम स्पोर्टिङको सहभागिता रहने पत्रकार सम्मेलनमा जानकारी गराइएको छ। प्रतियोगितामा सर्वोकृष्ट खेलाडीले मोटरसाईकल प्राप्त गर्नेछ।
