कैलाली : सुदूरपश्चिममा सञ्चालन हुँदै आएको 'मिस एन्ड मिस्टर सुदूर पश्चिमाञ्चल टुरिजम नेपाल'को तयारी पुरा भएको छ ।
सुदूरपश्चिमको पर्यटन प्रवर्द्धन गर्ने उद्देश्यले मंसिर १५ गते हुन लागेको प्रतियोगिताको चौथो संस्करणको तयारी पुरा भएको आयोजकले जानकारी दिएको हो ।
१५ युवा र १५ युवती गरी ३० जना प्रतियोगिताको अन्तिम चरणमा छनौट भएका छन् । यो वर्ष हुने प्रतियोगिताको निर्णायकको रूपमा राजेश हमाल, गोपाल कक्षपति र सञ्चिता लुइँटेल रहेका छन् ।
प्रतियोगितामा प्रथम हुने 'मिस एन्ड मिस्टर'ले स्कुटर र मोटरसाइकल पुरस्कार पाउने बिहीबार आयोजना गरिएको पत्रकार सम्मेलनमा जानकारी दिइयो ।