पोखरेली भन्छन्,“विद्यालाई अझ उच्च पदमा देख्न पाऔँ”


कास्की : कास्की निर्वाचन क्षेत्र नं २ बाट नवनिर्वाचित प्रतिनिधिसभा सदस्य विद्या भट्टराईलाई पोखरेलीले मुलुकको उच्च पदमा देख्न पाउने इच्छा प्रकट गरेका छन् । कास्की क्षेत्र नं २ अन्तर्गत पोखरा महानगरपालिकाको ११ वटा वडा पर्छन् ।

यही मङ्सिर १४ गते मुलुकमा एक मात्र प्रतिनिधिसभा सदस्य पदमा भएको उपनिर्वाचनमा निर्वाचित भएलगत्तै निर्वाचन क्षेत्रका विभिन्न वडाका बासिन्दासमक्ष धन्यवाद प्रदान गर्न पुगेकी उनलाई फूमालाले स्वागत गर्दै स्थानीयवासीले उक्त इच्छा प्रकट गरेका हुन् ।

पोखरा–१७ महतगौँडामा धन्यवाद दिन पुगेकी भट्टराईलाई स्थानीयवासी ९१ वर्षीय चन्द्रकान्त भण्डारीले फूलको गुच्छाले स्वागतसहित आशीर्वाद दिँदै निर्वाचनका अवसरमा गरिएका प्रतिबद्धता पूरा गर्नेतर्पm कटिबद्ध भएर लाग्न सुझाव दिए ।

मुलुकका ज्येष्ठ नागरिक, महिला एवं समाजका विपन्न वर्गको हितसँगै विकासनिर्माणमा जुटन आग्रह गर्दै उनले राज्यले प्रदान गर्ने सामाजिक सुरक्षाभत्ता सर्वसुलभरुपमा उपलब्ध गराउन अनुरोध गरे ।

स्थानीयवासी ७२ वर्षीया तारा भण्डारीले गहभरि हर्षका आँशु झार्दै सांसद भट्टराईलाई समग्र महिलाको नेतृत्व गरी मुलुकको उच्च पदमा पुग्नका लागि बाटो खुलेको बताए । स्वागतका लागि हातमा फूलको माला लिएर लामबद्ध स्थानीय बासिन्दाको बीचबाट निस्केर भट्टराईलाई अङ्कमाल गर्दै उनले यस क्षेत्रका जनताको दुःखसुखको सारथि बन्न आग्रह गरिन्।

मुलुकमा राष्ट्रपति, प्रधानन्यायाधीश र सभामुखजस्ता उच्च पदमा महिलाले नेतृत्वदायी भूमिका निर्वाह गरी इतिहास रचिसकेको वर्तमान अवस्थामा प्रधानमन्त्री बन्ने योग्यता, क्षमता र सम्भावनाका आधार भट्टराईमा देखिएको सो क्षेत्रका जनताको सामूहिक धारणा रहेको पाइएको छ ।

विजययात्रासहित निर्वाचन क्षेत्रका विभिन्न स्थानमा पुगेर धन्यवाद ज्ञापन गर्न घरदैलामा पुगेकी नेता रवीन्द्रप्रसाद अधिकारीकी धर्मपत्नी भट्टराईले रासससँग कुराकानी गर्दै जनताको इच्छा, आकाङ्क्षा एवं सुझाव शिरोधार्य गर्दै आफूले निर्वाचनका क्रममा गरेका प्रतिबद्धता पूरा गर्न कटिबद्ध भएर लाग्ने स्पष्ट पारिन् ।

‘समृद्ध नेपाल सुखी नेपाली’ अभियानकर्मी स्व अधिकारीले देखेका सपना पूरा गर्न पार्टीले आफूलाई उम्मेदवार बनाएको स्मरण गर्दै उनले मतदाताको प्रगाढ माया र भरोसाको उच्च कदर गर्दै अगाडि बढ्ने विश्वास दिलाइन् ।

सोही स्थानमा अवस्थित ऐतिहासिक प्राकृतिक पुलको संरक्षण, संवद्र्धन र विकासमा अधिकारीको महत्वपूर्ण योगदान रहेको बताउँदै स्थानीयवासीले भट्टराईलाई अधुरा काम सम्पन्न गर्ने जिम्मेवारी बहन गरिदिन अनुरोध गर्दै ज्ञापनपत्रसमेत बुझाएका थिए ।

ढुङ्गेसाँघु पर्यटनस्थल संरक्षण समितिका अध्यक्ष नरेन्द्र गिरीले प्रदान गरेको ज्ञापनपत्रमा लगभग रु ६४ लाखको लागतमा प्राकृतिक पुलको दृष्यावलोकनका लागि झोलुङ्गेपुल, शौचालयका साथै २४४ सिँढी निर्माण गरिएको र अब आगन्तुक पर्यटकको सुरक्षाका साथै विभिन्न संरचना निर्माणका लागि रु ४६ लाख ६४ हजार आवश्यक पर्ने उल्लेख छ ।

पोखरा १७ विरौटाचोकबाट आज बिहान शुरु भएको विजययात्रामा भट्टराईले मतदातालाई अभिवादन गर्दै छोरेपाटन, हिमालय आँखा अस्पतालचोक, घारीपाटनचोक, रातोपैह्रा, महतगौँडा, लामातरा, दोबिल्लासहित डेमसाइडलगायतका क्षेत्र पुगेकी थिइन्।

पोखरा महानगरका ११ वटा वडालाई समेटिएको निर्वाचन क्षेत्रका सबै वडाका बासिन्दासमक्ष पुगेर धन्यवाद प्रदान गरिने कार्यक्रम तय गरिएको छ । आज पोखरा– ९ बसपार्कस्थित अव्यवस्थित बसोबास क्षेत्रमा घरदैलो कार्यक्रम सञ्चालन भइरहेको निर्वाचन परिचालन कमिटीका संयोजक एवं नेकपा कास्कीका अध्यक्ष कृष्ण थापाले जानकारी दिए ।

प्रतिक्रिया दिनुहोस्
मुख्य समाचार

काठमाडौंः कोरोना संक्रमणको कारण रोकिएको लोकसेवा आयोगको परीक्षा दशैं लगत्तै शुरु हुने भएको छ ।

कैलाली– विश्व रामसार सूचीमा सूचिकृत कैलालीको घोडाघोडी ताल क्षेत्रमा पछिल्लो समय पर्यटन प्रवद्र्धन हुन थालेको

काठमाडौं : धरानको बिपी कोइराला स्वास्थ्य विज्ञान प्रतिष्ठानमा थप दुई जना कोरोना संक्रमितको मृत्यु भएको

काठमाडौंः गृहमन्त्री रामबहादुर थापा ‘बादल’ छाङ्गरुमा सशस्त्र प्रहरीको गुल्म शिलान्यास गर्न दार्चुला गएका छन् ।

स्याङ्जा । पहिरोमा पुरिएर ज्यान गुमाएका नौ जनाको रामनदी धाम (राम्दी) मा बिहीबार साँझ सामूहिक

इन्डियन प्रिमियर लिग (आईपीएल) अन्तर्गत गएराति सम्पन्न खेलमा किंग्स इलेभेन पञ्जाबका सामू रोयल च्यालेन्जर बंगलोर

काठमाडौं : देशभर केही दिनयता परिरहेको झरी भोलि शनिबारदेखि कमजोर हुने देखिएको छ। बंगालको खाडीबाट

काठमाडौं : वैज्ञानिक वन व्यवस्थापन कार्यक्रमका नाममा व्यापक अनियमितता, भ्रष्टाचार र किर्ते गर्ने काम भएको

काठमाडौं– सांसदहरुले कोरोना भाइरसको विषयमा तथ्यगत जानकारी भन्दा भ्रमहरु बढी फैलिएकाले जनतामा आतंक सिर्जना भएको

काठमाडौं : सार्वजनिक पदमा बहाल रहेका व्यक्तिले सम्पत्ति विवरण सार्वजनिक नगर्ने क्रम बढेपछि अख्तियारले कडा

धरान : बीपी कोइराला स्वास्थ्य विज्ञान प्रतिष्ठानमा पीसीआर परीक्षण बन्द भएको छ । संघीय सरकार

काठमाडौं– नेपाल–चीन सीमा प्रश्नमा सरकारले हतारो टिप्पणी गरेको नेपाली कांग्रेसले जनाएको छ। स्थलगत अध्ययनको धारणा