काठमाडौं : नेपाली राष्ट्रिय महिला फुटबल टोलीका सदस्य सावित्रा भण्डारी ‘साम्बा’ र अनिता बस्नेत भारतीय चर्चित हिरो इन्डियन महिला आइ लिग खेल्न भारत प्रस्तान गरेका छन्।
राष्ट्रिय फुटबल टिमका प्रभावशाली खेलाडि लगातार दोश्रो सिजन खेल्न भारत गएका हुन्।
गत संस्करण सेथु एफसीलाई च्याम्पियन बनाउन मद्दत गरेका यी दुई नेपाली खेलाडीले यो पटक भने फरक क्लबबाट खेल्नेछन्।
यो संस्करण अनिता सेथु एफसीमा र साम्बा गोकुलममा अनुबन्ध भएकी छिन्। चौथो संस्करणको भारतीय महिला लिग आगामी शुक्रबार बेङ्गलोरमा सुरु हुदैछ ।