कतार एयरवेज र एअर अरेबियाको विमानमा नेपाल आएकालाई सम्पर्कमा आउन प्रहरीको आग्रह


काठमाडौं : नेपाल प्रहरीले विदेशबाट फर्किएका नेपालीहरुमा कोरोनाभाइरस (कोभिड–१९)को संक्रमण देखापर्न थालेपछि विदेशबाट आउने सबैलाई सम्पर्कमा आउन आग्रह गरेको छ ।

चैत ४ गते भएका हवाई उडानहरू कतार एयरवेज र एयर अरेवियाबाट नेपाल आएका दुई नेपाली यात्रुमा कोरोना भाइरसको संक्रमण देखापरेसँगै नेपाल प्रहरीले सो विमानमा नेपाल आउने नागरिकलाई सम्पर्कमा आउन आग्रह गरेको हो ।

त्यसोत नेपाल प्रहरीका केन्द्रीय प्रहरी प्रवक्ता उमेशराज जोशीले त्यो दिनको विभिन्न हवाई उडानबाट नेपाल आएकाहरू मध्ये आफै सम्पर्कमा आउनेहरु कम रहेको र धेरैको पहिचान हुन नसकेको बताए ।

चैत ४ गते फ्रान्सबाट कतारको दोेहा हुदै काठमाडौँ आएकी १९ वर्षीय युवती र आज (शनिवार) कोरोना संक्रमणको पुष्टि गरिएकी बागलुङकी युवती पनि बेल्जियमबाट खाडी मुलुक हँुदै नेपाल आएकी थिइन् ।

कतार एयरवेजको क्युआर ६५२ विमान चढेर काठमाडौं आएकी युवती विमानमा सवार १ सय ५८ यात्रुमध्ये १ सय ३४ जनाले आफूहरु ‘सेल्फ क्वारेन्टाइन’ मा रहेको सूचना प्रहरीलाई दिएको प्रवक्ता जोशीले बताए ।

सोही विमानमा सवार पाँच विदेशी नागरिकसहित २४ जना कहाँ छन् भन्नबारे खोजी भइरहेको उनले बताए ।

‘राहदानीका आधारमा जिल्ला गाँउको पहिचान गरी स्थानीय प्रहरीलाई तत्काल खोजी गर्न निर्देशन दिएका छौं’ उनले भने ।

हालसम्म फेला परेको कोरोना संक्रमित पाँचै जना नेपाली नागरिक विभिन्न मुलुकबाट नेपाल आएका हुन् । उनीहरूसँगै हवाई यात्रा गरेका तथा सम्पर्कमा रहेका चितपरिचित र आफन्त सबैलाई सम्पर्कमा आइ दिन प्रहरीले आग्रह गरेको छ ।

कतार एयरको क्यूएआर ६५२ विमानमा सवार १ सय ५८ मध्ये १ सय ९ जना ४० जिल्लाका नागरिक रहेका छन् । ती मध्ये एक फ्रेन्च, दुई जर्मनी र दुई भारतीय नागरिक पनि सम्पर्कमा आएका छन् भने २४ नेपाली कहाँ कस्तो अवस्थामा बसेका छन् खोजी भइरहेको प्रवक्ता जोशीले बताए ।

यसैगरी तेस्रो संक्रमित व्यक्ति सवार एअर अरेबियाको विमान जी ९५३७ बाट नेपाल आएका १ सय ७० जना यात्रुको पनि खोजी जारी राखिएको उनले बताए ।

सो कार्यमा प्रहरीको केन्द्रीय हेल्थ हेल्प डेस्क नै परिचालन गरिएको छ ।

प्रतिक्रिया दिनुहोस्
मुख्य समाचार

काठमाडौं : नेपाल वायु सेवा निगम (नेपाल एयरलाइन्स) ले एकै दिन हङकङमा तीन चार्टर्ड उडान गरेको

काठमाडौं : गण्डकी प्रदेशको स्याङ्जा र पर्वतमा मंगलबार थप १० जनामा कोरोना संक्रमण पुष्टि भएको

काठमाडौं– लकडाउनको मौका छोपी रातको समयमा बिगत केही समय देखी काठमाडौं उपत्यकाभित्र रहेका बिभिन्न स्थानमा

काठमाडौं : लोक सेवा आयोगले राजपत्रांकित प्रथम श्रेणीका विज्ञापनको अन्तर्वार्ताको सूचना सार्वजनिक गरेको छ। आयोगको

काठमाडौं : आज थप १३ जनामा कोरोना भाइरसको संक्रमण देखिएको छ। नवलपरासी, पाल्पा, कपिलवस्तु, रुपन्देही

काठमाडौं : नेपालका ८२ जनामा डेंगुको संक्रमण भएको छ। पुस महीनायता ८२ जनामा डेंगु संक्रमण

जनकपुरधाम– प्रदेश नम्बर २ मा पछिल्लो २४ घण्टामा ८२ जना व्यक्तिहरुमा कोरोना संक्रमणको पुष्टि भएको

काठमाडौं– कोरोना भाइरसको महामारीका कारण विश्वयति बेला त्रसित छ । सन् २०१९ को डिसेम्बरको अन्तिमबाट

काठमाडौं : देशभर अहिलेसम्म १ लाख ८५ हजार ६ सय ६० जनामा कोरोना भाइरसको नमुना

काठमाडौं : नेपालमा अहिलेसम्म २ सय २१ जना कोरोना संक्रमित निको भएर घर फर्किएका छन्।

वीरगन्ज– भारतले आफनै देशको नागरिकलाई प्रवेशमा कडाई गरेपछि वीरगन्जको अलौंस्थित एकिकृत चेकजाँच चौकी (आईसीपि) मा

जनकपुरधाम– जनकपुरबाट हातहतियार सहित एक युवक पक्राउ परेको छ। जनकपुरधाम उपमहानगरपालिका वडा नम्बर–१७ स्थित रामलोचन