काठमाडौं– कोरोना भाइरस (कोभिड–१९) जोखिमको न्यूनिकरणको लागि सातै प्रदेशमा सुरक्षाका विभिन्न सामाग्रीहरु वितरण गर्ने सन्राइज बैंकको सामाजिक उत्तरदायित्व अन्तर्गत कर्णाली प्रदेशको रुकुम जिल्लाको मुसिकोट नगरपालिकामा सहयोग सामग्री वितरण गरिएको छ ।
सो सहयोग सामग्री आज बैंकका प्रमुख कार्यकारी अधिकृत जनक शर्मा पौड्यालले संघिय सांसद श्री जनार्धन शर्मा प्रभाकरलाई हस्तान्तरण गरेका छन् । उक्त सहयोग सामाग्रीमा १० थान पीपीई, १००० थान माक्स, स्यानिटाइजर, Pulse Oximeter र पञ्जा रहेका छन् ।
हालसम्म सन्राइज बैंकले विभिन्न अस्पतालमा ३३० वटा भन्दा बढी पीपीई उपलब्ध गराई सकेको छ र अन्य प्रदेशहरूमा समेत उपलब्ध गराउने कार्यक्रम रहेको छ ।