काठमाडौं : उदयपुरमा थप ८ जनामा कोरोनाभाइरस संक्रमण पुष्टि भएको छ ।
पीसीआर परीक्षण गर्दा ८ जनाको पोजेटिभ देखिएपछि पुन: परीक्षण गर्न नमुना धरानस्थित विपी कोइराला स्वास्थ्य विज्ञान प्रतिस्ठानको ल्याबमा पठाइएको थियो ।
परीक्षण गर्दा ८ जनाको नमुना पोजेटिभ आएको स्वास्थ्य मन्त्रालयले जनाएको छ । यसअघि नियमित प्रेस प्रिफिङमा स्वास्थ्य तथा जनसंख्या मन्त्रालयका प्रवक्ता डा. विकास देवकोटाले उदयपुरमै ३३ वर्षीय पुरुषमा कोरोना संक्रमण पोजेटिभ देखिएको जानकारी दिएका थिए ।
योसँगै नेपालमा कोरोनाभाइरस संक्रमितको संख्या ४० पुगेको छ । संक्रमित पुष्टि भएका ८ जनाको थप विवरण आउन बाँकी छ ।
योसँगै उदयपुरमामात्रै कोरोनासंक्रमितको संख्या २२ जना पुगेको छ ।