एजेन्सी– न्युयोर्कमा कोरोनाभाइरसको संक्रमण घरपालुवा दुई विरालोमा भेटिएको छ।
संघीय अधिकारीहरूका अनुसार हो संयुक्त राज्य अमेरिकामा घरपालुवा जनावरमा कोरोना भाइरस संक्रमण पत्ता लागेको यो पहिलो पटक हो ।
यी बिरालाहरूलाई सास फेर्न गाह्रो भएको बताइएको छ ।
अमेरिकी कृषि विभाग र रोग नियन्त्रण तथा रोकथाम केन्द्रका अनुसार यी बिरालाहरूले मानवबाट कोरोना संक्रमण भएको सम्भावना छ। अब थप संक्रमित बढ्ने खतरा औल्याइएको छ ।
दुई साताअघि न्युयोर्ककै ‘ब्रोंक्स’ नामक चिडियाखानामा एक बाघमा पनि कोरोना भाइरसको संक्रमण पाइएको थियो । त्यसलगत्तै चिडियाखानाका जनावरमा गरिएको परीक्षणमा थप तीनवटा बाघमा पनि संक्रमण फेला परेको थियो ।
