विराटनगर : विराटनगरस्थित कोशी अस्पतालमा उपचाररत थप ८ जना कोरोना संक्रमित व्यक्ति निको भएका छन् ।
कोशी अस्पतालमा उपचार गराइरहेका ८ जनाको पछिल्लो रिपोर्ट नेगेटिभ आएपछि आज (शुक्रबार) दिउँसो डिस्चार्ज भएका गरिएको हो ।
उनीहरुलाई प्रदेश १ का सामाजिक विकासमन्त्री जीवन घिमिरेले बिदाइ गरे ।
थप ८ जना डिस्चार्ज भएसँगै नेपालमा निको हुने कोरोना संक्रमितको संख्या ३० पुगेको छ । कोसी अस्पतालमा उपचार गराइरहेका ६ जना यसअघि नै निको भएर डिस्चार्ज भइसकेका छन् ।
साथै निको भएका मध्ये तीन जनामा पुनः कोरोना पोजेटिभ देखिएपछि उनीहरु अस्पताल भर्ना भएका छन् ।
यता नेपालमा हालसम्म १ सय १ जनामा कोरोना संक्रमण पुष्टि भएको छ ।