एजेन्सी : विश्व स्वास्थ्य संगठन (डब्लुएचओ) ले सन् २०२० मा कोरोना भाइरसविरुद्धको खोप बन्न नसक्ने जनाएको छ ।
संगठनका कार्यकारी निर्देशक माइक रेयानले खोपका अनुसन्धानकर्ताहरुलाई सफलता प्राप्त भइरहे पनि २०२१ भन्दा अगाडि खोप बन्न नसक्ने बताएका हुन् ।
उनले खोप निर्माणमा ढिलाइ भए पनि यसको सुरक्षा मापदण्डमा अपनाउन आग्रह गरे ।
निर्देशक रेयानले खोपको अनुसन्धान तेस्रो चरणमा रहेको र सुरक्षा मापदण्डमा हालसम्म असफल नभएको पनि बताए ।
कोरोनाविरुद्धको खोपलाई चीन, अमेरिका, बेलायतलगायतका देशहरुले अनुसन्धान गरिरहेका छन् ।