झापा : झापाको विर्तामोड नगरपालिका अनिश्चितकालिन लकडाउन लागू गरिएको छ । आइतबार राति १२ बजेदेखि लागू हुने गरी विर्तामोडमा अनिश्चितकालिन लकडाउन गरिएको विर्तामोड नग।पालिकाले जनाएको छ ।
बिर्तामोड नगरपालिकाले नगरपालिका क्षेत्रभित्र अनिश्चितकालिन लकडाउन गर्ने निर्णय गरेको थियो । कोरोनाको संक्रमण समुदायमा पुगेकाले थप संक्रमण फैलिन नदिन लकडाउन लगाइएको नगरपालिकाले जनाएको छ ।
लकडाउनमा खाद्यान्न तथा तरकारी पसल विहान ८ बजेदेखि ११ बजेसम्म खुल्ने छन् भने औषधि पसल बाहेक अन्य पसलहरू पूर्णरुपमा बन्द रहने छन् ।
यसैगरी निजी तथा सार्वजनिक सवारी साधन चल्न पाउने छैनन् । त्यस्तै बैंक तथा वित्तीय संस्थाले कारोबार गर्न नपाउने भएका छन् । झापाकै छिमेकी अर्जुनधारा नगरपालिकाले हिजो बिहानैदेखि पाँच दिनका लागि लकडाउन लागू गरिसकेको छ ।
प्रकाशित : साउन १९, २०७७