सन्धिखर्क : अर्घाखाँचीमा भदौ २४ गतेसम्मका लागि लकडाउनको थपिएको छ ।
बुधबार बिहान जिल्ला प्रशासन कार्यालयमा बसेको जिल्ला कोभिड १९ संकट व्यवस्थापन केन्द्र ( डिसीसीएमसी) को बैठकले भदौ २४ गते राति १२ बजेसम्म लकडाउन थप गर्ने निर्णय गरेको सहायक प्रमुख जिल्ला अधिकारी बिक्रम थापाले बताए ।
यसअघि सात दिनका लागि थपिएको लकडाउनको अवधि आज राति मध्याह्न राति १२ बजेबाट सकिने भएपछि यसलाई बढाएर २४ गते राति १२ बजेसम्म लगिएको हो ।
तराईसँग सिमाना जोडिएका छिमेकी जिल्ला रुपन्देही, कपिलवस्तुमा दैनिक कोरोना संक्रमितको संख्या बढिरहेको र अर्घाखाँचीमा पनि समुदाय स्तरमा कोरोना संक्रमित फैलिन लागेपछि लकडाउन थपिएको प्रशासनले जनाएको छ ।
प्रकाशित : भदौ १७, २०७७
