नयाँ दिल्ली– अस्ट्रेलियाका पूर्व ब्याट्सम्यान डीन जोन्सको हृदयघातको कारण निधन भएको छ । ५९ वर्षीय जोन्सको मुम्बईमा मृत्यु भएको हो । आईपीएलका कारण उनी मुम्बईमा बस्थे।
स्टार इण्डियाले एक विज्ञप्ति जारी गर्दै भन्यो– ‘हामी दुः खको साथ भन्छौं कि डीन मर्विन जोन्स एएम अब संसारमा हुनुहुन्न। हाम्रो संवेदना उनको परिवारसँग छ र हामी उनलाई हर सम्भव समयमा सहयोग गर्न तयार छौं।’ अस्ट्रेलियाई उच्च आयोगको साथ सम्पर्कमा छन् र सबै आवश्यक प्रबन्धहरू गरिरहेको छ।
‘डीन जोन्स खेलका एक महान राजदूत थिए। उनी नयाँ प्रतिभा पत्ता लगाउन र विकास गर्नमा सधैं अग्रणी थिए। उनी कमेन्ट्रीका एक विजेता थिए, उनको उपस्थिति र प्रस्तुतिले लाखौं प्रशंसकहरूको हृदय जित्यो’– विज्ञप्तीमा भनिएको छ ।
डीन जोन्स अष्ट्रेलियाका सर्वश्रेष्ठ ब्याट्सम्यान हुन्। उनले आफ्नो उत्कृष्ट क्यारियरमा कुल ५२ टेस्ट र १६४ एकदिवसीय खेल खेलेका छन् ।
भारतको बिरूद्ध १९८६–८७ मा मद्रासमा खेलेको २१० रनको पारी उनका सबैभन्दा अविस्मरणीय पारी हो। चर्को गर्मीको बिच खेल्ने क्रममा जोन्सको स्वास्थ्य बिग्रन थाल्यो, तर उनी खेले । खेल पछि उनी अस्पतालमा भर्ना हुनुपरेको थियो।
भारतीय क्रिकेट टीमका प्रमुख प्रशिक्षक रवि शास्त्रीले ट्वीटरमा यस्तो लेखेका छन्, “मेरो आत्मिए भाई र प्रिय मित्र गुमाउँदा म छक्क परें। डीन जोन्स धेरै छिटो घर छोडेर गए। उनको परिवारप्रति मेरो समवेदना छ। उनको आत्माले शान्ति पाओस् ।’
भारतीय क्रिकेट टीमका कप्तानलाई श्रद्धांजलि दिँदै विराट कोहलीले ट्विटरमा लेखेका छन्– ‘डीन जोन्सको मृत्युको समाचार सुन्दा म छक्क परें। उनका परिवार र साथीहरूले यो सहन सक्ने बल पाउन्।’
आईपीएल टोली चेन्नई सुपर किंग्सले ट्वीट गरे– ‘डीन जोन्सको मृत्युको समाचारले हामीलाई थरथर पारेको छ। यो क्रिकेटको लागि ठूलो क्षति हो। उनको परिवारलाई सान्त्वना। ईश्वरले उनको आत्मालाई विश्राम दिऊन्।’
डीन जोन्स एक शानदार क्रिकेटरको अलावा आफ्नो उत्कृष्ट कमेन्ट्रीका लागि पनि परिचित थिए। उनले धेरै अन्तर्राष्ट्रिय खेलहरूमा कमेन्ट गरेका छन् । उनले यो बर्ष आईपीएलमा पनि कमेन्ट्री गरिरहेका थिए । यद्यपि कमेन्टरीको क्रममा उनीमाथि एक पटक पनि जातिवादको आरोप लगाइएको थियो । २००६ मा उनले दक्षिण अफ्रिकाका हाशिम अमलालाई म्याच टेररिस्ट भनेका थिए ।
