एक्लै बस्दै आएकी वृद्धाको हत्या, मजदुर पक्राउ



तनहुँ : तनहुँको शुक्ला गण्डकी नगरपालिका ७ कुम्ले खोलामा एक वृद्धाको विभत्स हत्या भएको छ ।

आज (शुक्रबार) ६० वर्षीया तेजकुमारी ढकालको दुवै हात खुट्टा र घाँटी बाँधेको अवस्थामा आफ्नै घरमा शव फेला परेको प्रहरीले जनाएको छ ।

शव भेटिएको १२ घण्टा बित्न नपाउँदै प्रहरीले ४६ वर्षीय शिव गौतमलाई पक्राउ गरेको छ । १५ दिनअघि मात्र कुम्लेमा मजदुरी गर्न पुगेका गोरखाको भीमसेन थापा गाउँपालिकाका गौतम शुक्रबार बिहानैदेखि त्यस गाउँबाट हराएका थिए ।

प्रहरीले उनलाई ब्यास नगरपालिका २ शहिद गेटमा हुलिया परिवर्तन गरेर हिँडिरहेको अवस्थामा पक्राउ गरेको हो । गौतम घटनास्थल भन्दा २ सय मिटर पर रहेको भैँसी फार्ममा काम गर्दै आएका थिए ।

मृतक ढकाल सानो किराना पसल चलाएर एक्लै बस्दै आएकी थिइन् । श्रीमान र छोराछोरी भएपनि उनी एक्लै बसिरहेको डीएसपी तिमल्सिनाले बताए । लुटपाट गर्ने उद्देश्यले गौतमले ढकालको हत्या गरेको प्रहरीको भनाई छ । प्रहरीले भन्यो,‘बिहीबार साँझ नै वृद्धाको हत्या भएको देखिन्छ । गौतमले केही पैसा र एक तोला सुन लुटेको पाइएको छ ।’

प्रहरीका अनुसार गौतमले हसियाँले ढकालको शरिर काटेका छन् । प्रहरीले घटनाको अनुसन्धान गर्न तालिम प्राप्त कुकुर प्रयोग गरेको थियो । थप अनुसन्धान भइरहेको छ ।

प्रकाशितः ९ असोज, २०७७

प्रतिक्रिया दिनुहोस्
मुख्य समाचार

पर्सा– नेकपा पर्साका जिल्ला सदस्य मुकेश चौरसियाको मृत्यु प्रकरणबारे पर्सा प्रहरीले जाहेरी दर्ता नगरेको भन्दै

काठमाडौं– भारतीय स्थल सेना प्रमुख मनोज मुकुन्द नरभाने नोभेम्बर ४ मा नेपाल आउने भएका छन्

महोत्तरी– पूर्वपश्चिम राजमार्गअन्तर्गत महोत्तरीमा रहेका अधिकांश पक्की पुल जीर्ण बन्दै गएका छन् । जिल्लामा पर्ने

काठमाडौं– हरेक वर्ष अक्टोबर २६ तारिखमा अन्तरलिङ्गी जनचेतना दिवस मनाइने गरिन्छ । सन् १९९६ मा

सुर्खेत : शनिवार बसेको कर्णाली प्रदेश सरकारको मन्त्रिपरिषद् बैठकले १६ वटा निर्णय गरेको छ। जसमा

काठमाडौं : पूर्वप्रधानमन्त्री तथा जनता समाजवादी पार्टीका नेता बाबुराम भट्टराईलाई कोरोना पुष्टि भएको छ। नेता

टीकापुर : टीकापुर नगरपालिका –१ एकतानगर शिविरकी धनकला विक टाउकामा धान बोकेर मिल दौडिइन् ।

काठमाडौं : आश्विन शुक्ल अष्टमीका दिनमा मनाइने महाष्टमी पर्व आज नेपालीले बडादशैँका रुपमा दुर्गाभवानीको विशेष

काठमाडौं– हरेक वर्षको २४ अक्टोबरको दिनमा विश्वभरि “विश्व विकास सूचना दिवस“ मनाइन्छ। सन् १९७२ मा

काठमाडौं : प्रधानमन्त्री केपी शर्मा ओलीको सचिवालयले दशैंको शुभकामना सन्देशमा प्रयोग भएको नक्सालाई विवाद तान्न

काठमाडौं : राष्ट्रपति विद्यादेवी भण्डारीले यस वर्ष दशैँको महाअष्टमी र कोजाग्रत पूर्णिमाको अवसरमा विभिन्न शक्ति

लमजुङ : हिन्दूको महान् चाड दशैँतिहारमा पिङ हाल्ने र खेल्दै आए पनि केही वर्षदेखि हाम्रो