चीनसँगको नाका खोल्न ६ विषयमा सहमति



काठमाडौं : चीनसँगका नाका खोल्ने र पारवहन सम्झौता कार्यान्वयन गर्नेलगायत ६ विषयमा सहमति भएको छ ।

आज (मंगलबार) नेपाल-चीन व्यापार संयुक्त कार्यदलको भर्चुअल रुपमा सम्पन्न भएको पहिलो बैठकमा यस्तो सहमति भएको हो ।

उद्योग वाणिज्य तथा आपूर्ति मन्त्रालयका अनुसार बैठकले पारवहन ढुवानी सम्झौताको कार्यान्वयन, व्यापार सहजीकरण, सीमा वारपार आर्थिक क्षेत्र स्थापना, बन्द नाका खोल्ने तथा व्यापार पूर्वाधार विकास निर्माणमा सहयोग गर्ने लगायत विभिन्न ६ विषयमा सहमति भएको छ । मन्त्रालयका अनुसार दुवै मुलुकले आपसी सहयोग र अन्तरनिर्भरतामार्फत व्यापार पूर्वाधार निर्माण तथा सहजीकरण गर्ने सहमति भएको छ ।

साथै नेपाल–चीन बीचका तातोपानी र रसुवागढीमा कोभिड–१९ को संक्रमणबाट बच्ने सबै उपायहरु अपनाई नाका सुचारु गर्ने विषयमा दुवै पक्षबीच सहमति भएको जनाइएको छ । नेपाल र चीनबीच पारवहन-ढुवानी सम्झौताको कार्यान्वयनका लागि दुवै पक्षबाट आवश्यक पहल गर्ने पनि सहमति भएको छ ।

पारवहन ढुवानी सम्झौता, २०१६ र यसको प्रोटोकल, २०१९ को कार्यान्वयनको गर्ने र व्यापार सहजीकरणका लागि रसुवाको टिमुरेस्थित सीमा जाँच स्टेसन र सुख्खा बन्दरगाह निर्माण गर्ने विषयमा छलफल भएको थियो ।

त्यस्तै १८८ वटा वनस्पति, मासुजन्य र अन्य खाद्य पदार्थको चीनको भन्सार प्रशासनमा नेपालबाट आयात हुने वस्तुको सूचीमा सूचीकृत गर्ने विषयमा पनि सहमति भएको छ । त्यसका लागि नेपालमा वनस्पति र पशुजन्य वस्तुहरुको जाँच गर्न प्रयोगशाला स्थापना गर्न दुवै पक्ष सहमत भएका छन् । नेपालबाट चीन निकासी गरिने खाद्य वस्तुहरुमा लेवलिङ्ग गर्ने विषयमा पनि दुईपक्षबीच छलफल भएको मन्त्रालयले जनाएको छ ।

त्यस्तै नेपालमा चीनियाँ लगानी र व्यापारको लागि वातावरण विकास गर्ने, स्याफ्रुबेंसी-रसुवा सडक मर्मत सम्भार र स्तरोन्नती गर्ने, नेपाल-चीन सीमा नजिक सीमा वारपार आर्थिक क्षेत्र स्थापना गर्ने, व्यापार पूर्वाधार विकासमा सहयोग सम्बन्धी विषयमा पनि छलफल भएको जनाइएको छ ।

नेपाल–चीन बीचका तातोपानी र रसुवागढी दुईवटा अन्तर्राष्ट्रिय नाकाहरु सुचारु गर्ने सहमति भएको छ भने मुस्ताङ्गको कोराला नाकामा एकीकृत सीमा जाँच स्टेसन निर्माणको लागि चीनियाँ पक्षलाई अनुरोध गर्ने र दुईपक्षीय सीमा बिन्दु ओलाङ्चुङ्गोला र किमाथाङ्कामा व्यापार पूर्वाधारको लागि संयुक्त रुपमा सम्भाव्यता अध्ययन गर्ने पनि सहमति भएको छ ।

१७ औँ नेपाल-चीन आर्थिक व्यापार मेला र चीनमा आयोजना हुने तेश्रो अन्तर्राष्ट्रिय आयात प्रदर्शनी मेलामा नेपालले सहभागिता जनाउने पनि सहमति भएको छ । दुवै देशका ११-११ जना प्रतिनिधि रहेको उक्त कार्यदलमा नेपालतर्फबाट उक्त बैठकको नेतृत्व उद्योग, वाणिज्य तथा आपूर्ति मन्त्रालयका सहसचिव एवं नेपाल–चीन व्यापारको संयुक्त कार्यदलका संयोजक प्रकाश दाहालले गरेका थिए । चीनकोतर्फबाट चीनियाँ वाणिज्य मन्त्रालयको एशिया मामिला विभागका महानिर्देशक पेङ् गाङ्ले नेत्तृत्व गरेका थिए ।

प्रकाशितः १३ असोज, २०७७

प्रतिक्रिया दिनुहोस्
मुख्य समाचार

पर्सा– नेकपा पर्साका जिल्ला सदस्य मुकेश चौरसियाको मृत्यु प्रकरणबारे पर्सा प्रहरीले जाहेरी दर्ता नगरेको भन्दै

काठमाडौं– भारतीय स्थल सेना प्रमुख मनोज मुकुन्द नरभाने नोभेम्बर ४ मा नेपाल आउने भएका छन्

महोत्तरी– पूर्वपश्चिम राजमार्गअन्तर्गत महोत्तरीमा रहेका अधिकांश पक्की पुल जीर्ण बन्दै गएका छन् । जिल्लामा पर्ने

काठमाडौं– हरेक वर्ष अक्टोबर २६ तारिखमा अन्तरलिङ्गी जनचेतना दिवस मनाइने गरिन्छ । सन् १९९६ मा

सुर्खेत : शनिवार बसेको कर्णाली प्रदेश सरकारको मन्त्रिपरिषद् बैठकले १६ वटा निर्णय गरेको छ। जसमा

काठमाडौं : पूर्वप्रधानमन्त्री तथा जनता समाजवादी पार्टीका नेता बाबुराम भट्टराईलाई कोरोना पुष्टि भएको छ। नेता

टीकापुर : टीकापुर नगरपालिका –१ एकतानगर शिविरकी धनकला विक टाउकामा धान बोकेर मिल दौडिइन् ।

काठमाडौं : आश्विन शुक्ल अष्टमीका दिनमा मनाइने महाष्टमी पर्व आज नेपालीले बडादशैँका रुपमा दुर्गाभवानीको विशेष

काठमाडौं– हरेक वर्षको २४ अक्टोबरको दिनमा विश्वभरि “विश्व विकास सूचना दिवस“ मनाइन्छ। सन् १९७२ मा

काठमाडौं : प्रधानमन्त्री केपी शर्मा ओलीको सचिवालयले दशैंको शुभकामना सन्देशमा प्रयोग भएको नक्सालाई विवाद तान्न

काठमाडौं : राष्ट्रपति विद्यादेवी भण्डारीले यस वर्ष दशैँको महाअष्टमी र कोजाग्रत पूर्णिमाको अवसरमा विभिन्न शक्ति

लमजुङ : हिन्दूको महान् चाड दशैँतिहारमा पिङ हाल्ने र खेल्दै आए पनि केही वर्षदेखि हाम्रो