काठमाडौं : नेपाली कांग्रेसका सभापति शेरबहादुर देउवाले शीर्ष नेताहरुको बैठक बोलाएका छन् ।
२१ गतेका लागि बोलाइएको केन्द्रीय कार्यसमिति बैठकअघि सभापति देउवाले पार्टीका पदाधिकारी, पूर्वपदाधिकारी लगायतसँग छलफल गर्न लागेको सहमहामन्त्री डा. प्रकाशशरण महतले जानकारी दिए ।
वरिष्ठ नेता रामचन्द्र पौडेल समूहले अघि सारेको मागबारे छलफल गर्न १७ असोजमा शीर्ष नेताहरुको बैठक बसेको थियो भने १९ गते केन्द्रीय कार्यसमितिको बैठक बोलाइएको थियो ।
तर, केही केन्द्रीय सदस्यलाई कोरोना संक्रमण पुष्टि भएपछि बैठक प्रभावित भएको थियो ।
प्रकाशित : कात्तिक १४, २०७७