बुटवलमा गुल्मीका कोरोना संक्रमितको मृत्यु



बुटवल : बुटवलमा कोरोना संक्रमणबाट थप एक जना पुरुषको मृतयु भएको छ । गुल्मीको गुल्मीदरबार गाउँपालिका–६ का ८५ वर्षीय पुरुषको कोरोना विशेष अस्थायी अस्पताल बुटवलमा उपचारका क्रममा मृत्यु भएको हो ।

कात्तिक १३ गते कोरोना संक्रमण पुष्टि भएपछि अस्पतालको सघन उपचार कक्षमा भर्ना भएका पुरुषको मंगलबार साँझ साढे ७ मृत्यु भएको अस्पतालका प्रवक्ता डा. विष्णु गौतमले बताए । प्रवक्ता गौतमका अनुसार उनी उच्च रक्तचापका दीर्घरोगी थिए ।

प्रदेश स्वास्थ्य निर्देशनालयका अनुसार गुल्मीमा कोरोना संक्रमणबाट मृत्यु हुनेको संख्या ८ पुगेको छ । लुम्बिनी प्रदेशमा कोरोना संक्रमितको मृत्यु हुने संख्या १ सय ७७ पुगेको छ ।

प्रकाशित : कात्तिक १९, २०७७

प्रतिक्रिया दिनुहोस्