चितवन : जिल्लाको भरतपुर अस्पतालमा कोरोना संक्रमणबाट थप एक जना संक्रमितको मृत्यु भएको छ ।
मकवानपुरको हेटौंडा उपमहानगरपालिका–६ का ८६ वर्षीय वृद्धको बिहीबार बिहान मृत्यु भएको हो ।
१५ कात्तिकमा कोरोना संक्रमण पुष्टि भएका उनी ज्वरो, खोकी र श्वासप्रश्वासमा समस्या भएपछि बुधबार अस्पताल भर्ना भएका अस्पतालका सूचना अधिकारी लिलाधर पौडेलले जानकारी दिए ।
स्वास्थ्य अवस्था थप जटिल हुँदै गएपछि कोभिड आइसियूमा राखी उपचार गर्दागर्दै उनको मृत्यु भएको अस्पतालले जनाएको छ ।
प्रकाशित : कात्तिक २०, २०७७
