काठमाडौं : नेपालमा पछिल्लो २४ घण्टामा थप ५०२ जनामा कोरोना संक्रमण पुष्टि भएको छ ।
देशभरका प्रयोगशालामा ३११२ नमुना परीक्षण गर्दा २०४ महिला र २९८ पुरुषमा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मंगलबार थपिएका संक्रमितमध्ये काठमाडौं उपत्यकामा ३३९ जना थपिएका छन् । यससँगै कुल संक्रमितको संख्या २ लाख ११ हजार ४७५ पुगेको छ ।
उनीहरुमध्ये १२४७ जनाको मृत्यु भएको स्वास्थ्य मन्त्रालयले जनाएको छ । जसमध्ये मंगलबार थप १७ जनाको कोरोना संक्रमणको कारण मृत्यु भएको छ ।
यसैगरी नेपालमा कुल १ लाख ७९ हजार २४२ जना संक्रमणमुक्त भएका छन् ।
हाल देशभर ३० हजार ९८६ सक्रिय संक्रमित छन् ।
प्रकाशित : मंसिर २, २०७७
