‘दोषीमाथि कारबाही हुने र न्याय पाउने आशा छैन’



दाङ : दाङको घोराहीमा ११ जना किसान मारिएको १९ वर्ष पूरा भएको छ । तत्कालिन माओवादीले आक्रमण गरेको पाँच दिनपछि २०५८ साल मंसिर १३ गते घोराहीको बर्गद्दी गाउँमा सुरक्षाकर्मीद्वारा ११ जना निर्दोष किसानको हत्या गरिएको थियो । यस घटनाको १९ वर्ष पूरा भएको छ । यो १९ वर्षमा पीडित परिवारलाई दोषीमाथि कारबाही हुने र न्याय पाउने आशा मरिसकेको छ ।

घोराही उपमहानगरपालिका–१७ की लाकी चौधरीले १९ वर्ष अगाडिको घटना अझै बिर्सिएकी छैनन् । उनले त्यस दिनको घटनालाई यसरी सम्झिन्छिन् –‘त्यस दिन म बजार गएको थिए । त्यही बेला गाउँमा आतंकारी, माओवादी आएका छन् भन्दै सरकारी सेनाले मेरो श्रीमान मारेर लगेको हो ।’

२०५८ साल मंसिर १३ गते उनका श्रीमानसहित ११ जना किसान सुरक्षाकर्मीद्वारा मारिएका थिए ।

घटना भएको पाँच दिन अघि दाङ सदरमुकाममा माओवादीले आक्रमण गरेको थियो । त्यसको पाँच दिनपछि सदरमुकामसँगै जोडिएको बर्गद्दी गाउँमा सुरक्षाकर्मीले खेतमा काम गरिरहेका एक जना किसानलाई एकै चिहान बनाएको थियो । त्यसैले मंसिर १३ गतेको दिनलाई दाङका वासिन्दाले कालो दिनको रुपमा लिने गरेका छन् ।

बर्गद्दी गाउँमा मारिएका किसानको सम्झनामा पार्क बनाइएको छ । द्वन्द्व पीडित परिवारले सरकारबाट १० लाख रुपैयाँ पाए । तर, त्यसबाहेक अन्य कुनै सुविधा सरकारबाट पाएका छैनन् ।

द्वन्द्व पीडित भवग्नी चौधरीले सरकारबाट १० लाख रुपैयाँ बाहेक केहिँ पाइएनन् । तर, विभिन्न संघसंस्थाहरुबाट सहयोग पाएको उनी बताउँछिन् ।

त्यसोत मारिएका किसान निर्दोष थिए । त्यसैले निर्दोषको हत्यामा संलग्नलाई कारबाही हुन्छ कि भन्ने आशा थियो । तर, अहिलेपनि उनीहरुले घटनामा संलग्नलाई कारबाही हुनुपर्ने बताउँदै आएका छन् ।

१४ वर्ष अघि तत्कालिन राज्य र विद्रोही माओवादीबीच विस्तृत शान्ति सम्झौता भएपछि द्वन्द्व टुंगियो । तर, पीडित परिवारको लागि शान्ति प्रक्रिया अझै टुंगिएको छैन ।

प्रकाशित : मंसिर १४, २०७७

प्रतिक्रिया दिनुहोस्
मुख्य समाचार

काठमाडौं : नेपाली कांग्रेसले आज (शनिबार) देशका सबै स्थानीय तहमा विरोध प्रदर्शन गर्दै छ ।

काठमाडौं : पछिल्लो २४ घण्टामा २७० जना कोरोना संक्रमित थपिएका छन् भने ५ जनाको मृत्यु

इन्डोनेसिया : इन्डोनेसियाको सुलावेसी द्वीपमा शुक्रबार बिहान ६.२ म्याग्नीच्युडको शक्तिशाली भूकम्प गएको छ । यस

काठमाडौं : एकै पटक दुई दर्जन नेपाल प्रहरी र सशस्त्र प्रहरीका उच्च अधिकृतहरुले अवकाश पाएका

काठमाडौं : विश्वमा अबको डेढ महिनाभित्रमा थप ३० लाख मानिसको कोरोना संक्रमणबाट मृत्यु हुनसक्ने एक

काठमाडौं : प्रधानमन्त्री कप राष्ट्रिय पुरुष क्रिकेट प्रतियोगिता आजबाट सुरु हुँदैछ । नेपाल क्रिकेट संघ

काठमाडौं : नेत्रविक्रम चन्द विप्लव नेतृत्वको नेकपाका केन्द्रीय सचिवालय सदस्य धर्मेन्द्र बास्तोला ‘कञ्चन’को रिहाईका लागि

पर्वत । नेपाली कांग्रेसका सभापति शेरबहादुर देउवाले सर्वोच्च अदालतलाई प्रभावित पार्ने अभिव्यक्ति नदिन आग्रह गरेका

काठमाडौं । नेकपा ओली समूहका अध्यक्ष तथा प्रधानमन्त्री केपी शर्मा ओलीले चुनावको तयारीमा लाग्न नेताहरुलाई

काठमाडौं : पछिल्लो २४ घण्टामा ४०३ कोरोना संक्रमित थपिएका छन् भने ६ जनाको मृत्यु भएको

काठमाडौं : थारु समुदायको नयाँ वर्ष माघी ‘माघी महोत्सव’ यस वर्ष काठमाडौंको अनामनगरस्थित तमु बौद्ध

काठमाडौं : प्रधानमन्त्री केपी शर्मा ओलीले प्रतिनिधि सभा विघटन गरेपछि आफ्नो कदमलाई संवैधानिक दावी गर्दै