डोटी : डोटीको जंगलमा एक शव फेला परेको छ ।
जिल्लाको पूर्वीचौकी गाउँपालिका-७ गोजेडामा ४० वर्षीय देवबहादुर साउद मृत अवस्था फेला परेको प्रहरीले जनाएको छ ।
उनी गत मंसिर १२ गते कामका लागि भारत जाने भन्दै घरबाट हिँडेका थिए । तर उनको शव कुहिएको अवस्थामा फेला परेको हो ।
जिल्ला प्रहरी कार्यालय डोटीका प्रहरी उपरीक्षक जनकराज पाण्डेयका अनुसार शव पोष्टमार्टमका लागि जिल्ला अस्पताल डोटीमा राखिएको छ । थप अनुसान्धन भइरहेको छ ।
प्रकाशित :२१ मंसिर, २०७७
