काठमाडौं : प्रधानमन्त्री केपी शर्मा ओली नेतृत्वको नेकपाको सुदूरपश्चिम प्रदेशका कार्यकर्ताहरुको भेला तथा प्रशिक्षण आज (बुधबार) संघीय राजधानी काठमाडौंमा हुँदैछ ।
काठमाडौंको बबरमहलस्थित कार्की ब्याङ्क्वेटमा ओली समूहले कार्यकर्ता भेला तथा प्रशिक्षण कार्यक्रम राखेको हो ।
कार्यक्रममा प्रधानमन्त्री ओली आफैं उपस्थित हुने बताइएको छ ।
यसअघि गत साता कार्की ब्याङ्क्वेटमा दुई दिनसम्म पुष्पकमल दाहाल ‘प्रचण्ड’ र माधवकुमार नेपाल समूहको नेकपा केन्द्रीय कमिटी बैठक बसेको थियो ।
सो बैठकले ओलीलाई अध्यक्षबाट हटाउने र संसद विघटनविरुद्ध आन्दोलन गर्ने निर्णय गरेको थियो ।
प्रधानमन्त्री ओलीले यही पुस ५ गते प्रतिनिधिसभा विघटन गरेसँगै नेकपा दुई समूहमा विभाजन भएको थियो ।
प्रकाशित : पुस १५, २०७७
