जनकपुरधाम : महोत्तरीमा मोटरसाइकल अनियन्त्रित भएर पल्टिँदा एक जनाको मृत्यु भएको छ ।
महोत्तरीको मनराशिस्वा नगरपालिका वडा नं.१ स्थित मनरातर्फ आउँदै गरेको मोटरसाइकल अनियन्त्रित भएर पल्टिँदा मोटरसाइकलको पछाडि सवार एक जनाको मृत्यु भएको प्रहरीले जनाएको छ ।
मृत्यु हुनेमा भारतको विहार राज्य जिल्ला सितामढी घर भइ बारामा बस्दै आएका २२ वर्षीय रबिन्द्र पासवान हुन् । मोटरसाइकल अनियन्त्रित भएर लड्दा गम्भिर घाइते भएका उनलाई उपचारको लागि जिल्ला अस्पताल जलेश्वर लैजाँदै गर्दै बाटोमै मृत्यु भएको हो ।
मोटरसाइकल चलाउने भारतको विहार राज्य जिल्ला सितामढी घर भइ बारामा बस्दै आएका सरोज पासवान प्रहरीको नियन्त्रणमा रहेका छन् ।
प्रकाशित :२५ पुष, २०७७
