काठमाडौं– प्रहरी सहायक निरीक्षक (असई) मणिकान्त झालाई ज्वाला संग्रौला लगायतका सामाजिक अभियन्ताले “मधेशी हो, मधेश तिर जा“ भन्ने भिडियो सामाजिक सञ्जालमा निकै भाइरल बन्दै गइरहेको छ ।
करिब १ महिना अगाडिको सो घटना र भिडियोमा प्रयोग भएको शब्द आपत्तिजनक रहेको भन्दै मधेसी आयोगमा बुधवार उजूरी परेको छ । आयोगमा उजुरी आउन बित्तिकै आयोगका अध्यक्ष डा. विजय कुमार दत्तको निर्देशन अनुसार सम्बन्धित निकायमा आवश्यक कारवाहीको लागि आयोगले पत्र पठाइसकेको छ ।
आयोगका अध्यक्ष दत्त नेपाल प्रहरीका महानिरीक्षक शैलेश थापालाई फोन सम्पर्क गरि घटनाको छानविन छिटो भन्दा छिटो गर्न आग्रह गरेका छन् । दत्तले दोषीलाई कानुनी दायरामा ल्याउनु बाहेकको विकल्प नरेको उललेख गरेका थिए ।
महानगरीय ट्राफिक प्रहरी प्रभाग महाराजगञ्जबाट काज सरुवा गरिएका प्रहरी सहायक निरीक्षक (असई) मणिकान्त झा पुनः पुरानै ठाउँमा फर्केका छन् ।
कुनै समुदायलाई अपमानजनक शब्द प्रयोग गरि होच्याउनु कानुनत ः अपराध भएको भन्दै अध्यक्ष दत्तले आफू र आयोग सचेत रहेको जानकारी गराएका छन् ।
यस्ता घटनाहरु घटेमा आयोगको हेल्पलाइन ११५२, टोल फ्री १६६००११६१८५, फोन ०१–५२६११८५ मा सम्पर्क गरि उजुरी टिपाउन पनि अध्यक्षले आग्रह गरेका छन् ।