काठमाडौँ : क्यामरुनको राजधानी सहर याओन्डेलको एउटा रङ्गशालामा भएको भागदौडमा ६ जनाको मृत्यु हुनुका साथै एक दर्जनभन्दा धेरै मानिसहरु घाइते भएका छन्। सोमबार अफ्रिका कप अफ नेसन्स म्याच हुनु अगाडि सो भागदौड भएको क्यामरुनको सरकारी टेलिभिजनले जनाएको छ।
ओलेम्बी रंगशालको प्रवेशद्वारमा सो भागदौड हुँदा दुखद घटना भएको क्यामरुनको सरकारी सञ्चार माध्यम सीआरटीभीले जनाएको छ। अफ्रिकन फुटबल महासङ्घले घटनाप्रति चासो देखाएको छ। घटनाबारे क्यामरुन प्रहरीले अनुसन्धान सुरु गरेको छ।
