आज सेयर बजारमा ४० अंकको गिरावट



काठमाडौँ: बुधबार सेयर बजारमा ४० अंकको ठुलो गिरावट आएको छ । यस दिन ४०.२६ अंकले घटेघटेपछि परिसूचक २८८९ अंकमा कायम भएको छ। कारोबार रकम ५ अर्ब ३५ करोडमा खुम्चिएको छ।

यस दिन सबै समूहहरु घटेका छन्। बैंकिङ ३३, ब्यापार ५४, होटल तथा पर्यटन १०९, विकास बैंक ७१, जलविद्युत ५१, फाइनान्स ४९, निर्जीवन बीमा २९०, उत्पादन १३३, माइक्रोफाइनान्स १४६ र जीवन बीमा ३०२ अंकले घटेका छन्।

त्यस्तै उत्पादन समूह ७३, माइक्रोफाइनान्स ५२, निर्जीवन बीमा २७२, ब्यापार २७ र अन्य समूह २१ अंकले घटेका छन्।

यस दिन स्मार्ट लघुवित्तको मूल्य ८ प्रतिशतले बढेको छ। त्यस्तै युनाइटेड मोदी हाइड्रोको मूल्य ७.७ प्रतिशत तथा जलविद्युत लगानी तथा विकास कम्पनी र युनिलिभर नेपालको मूल्य ५ प्रतिशतले बढ्यो। ।

यस दिन एनआइबिएल समृद्धि फण्डको मूल्य सबैभन्दा धेरै ६.८ प्रतिशतले घट्यो। हिमालय उर्जा विकास कम्पनीको मूल्य ५.८ प्रतिशतले घट्दा गोर्खा फाइनान्सको मूल्य ५.४ प्रतिशतले घट्यो।

प्रतिक्रिया दिनुहोस्