काठमाडौं : जी टिभिबाट प्रशारण हुने भारतीय रियालिटी शो सारेगमप लिटिल च्याम्पमा दुई नेपाली बालकले राम्रो स्थान ओगट्न सफल भएका छन् ।
नेपालका प्रतिभाशाली बाल-कलाकार प्रितम आचार्य सेकेन्ड रनर-अप तथा अर्का नेपाली प्रतिस्पर्धी बाल-प्रतिभा आयुष केसीले चौथो स्थान ओगट्न सफल भएका हुन् ।
सो कार्यक्रमको फाइनलमा ६ जना प्रतिस्पर्धी पुगेका थिए ।
सुनसरीको इटहरी उपमहानगरपालिका ५ का प्रितमले अडिसनदेखि नै निर्णायकहरुको मन जित्दै आएका थिए भने स्रोतारदर्शकको मनमा समेत बस्न उनी सफल थिए । उनी ४ वर्षको हुँदादेखि नै गीत गाउन थालेको बताइन्छ ।