प्रदेश २ : लोसपा संसदीय दलको विधान पारित



जनकपुरधाम । समाजवादी लोकतान्त्रिक पार्टी(लोसपा)ले प्रदेश २ को संसदीय दलको विधान पारित गरेको छ । जनकपुरमा सोमबार बसेको लोसपा प्रदेश सांसदहरुको बैठकले विधान पारित गरेको हो ।
अध्यक्ष महन्थ ठाकुर, वरिष्ठ नेताहरु राजेन्द्र महतो, अनिल झा, शरतसिंह भण्डारी लगायतका नेतहरुको उपस्थितमा बसेको संसदीय दलको बैठकबाट विधान पारित गरेको हो ।
बैठकमा दलको नेता निर्वाचित गर्ने प्रक्रिया अगाडी बढाइएको छ । दलको नेता छनोट गर्न निर्वाचन अधिकृत तोक्न केन्द्रीय समितिलाई पत्र लेख्नुपर्ने व्यवस्था अनुसार पत्र पठाइएको प्रदेश सांसद परमेश्वर साहले बताए ।
केन्द्रीय कार्य समितिले तत्कालै निर्वाचन अधिकृत तोकेपछि सोमबार अबेर रातिसम्म दलको नेता टुंगो लाग्ने सांसद साहले बताए ।
कार्यकारिणी सदस्य एवं प्रदेश सांसद जितेन्द्र सोनललाई सर्वसहमतिमा दलको नेता बनाउने प्रयास भइरहेको छ ।

प्रतिक्रिया दिनुहोस्