काठमाडौं : भारतले वेस्ट इन्डिजलाई पहिलाे एकदिवसीय क्रिकेटमा ६ विकेटले पराजित गर्दै तीन खेलकाे शृङ्खलामा १-० काे अग्रता बनाएको छ ।अहमदाबादमा भएको पहिलो खेलको जितसँगै भारतको एक हजार एकदिवसीय खेल पूरा भएको छ ।
घरेलु भूमिमा भारतले वेस्ट इन्डिजसँग तीन खेल खेल्नेछ । १७७ रनको सामान्य विजयी लक्ष्य पछ्याएको भारतले २८ ओभरमा ४ विकेट गुमाएर पूरा गरेकाे हाे । भारतका कप्तान रोहित शर्माले सर्वाधिक ६० रन बनाए । सूर्यकुमार यादवले ३४, ईशान किशनले २८ र दीपक होडाले २६ रनको योगदान गरे । यसअघि पहिले ब्याटिङ गरेको वेस्ट इन्डिजले ४३ ओभर ५ बलमा सबै विकेट गुमाउँदै १७६ रनमा समेटियो।
वेस्ट इन्डिजका जासन होल्डरले सर्वाधिक ५७ रन बनाए । फाबियन एलनले २९ र निकोलस पुरन तथा ब्राभोले १८-१८ रनको योगदान गरे। भारतका युजवेन्द्र चाहलले सर्वाधिक ४ विकेट लिए । दोस्रो एकदिवसीय बुधबार हुनेछ ।
