मुगु दुर्घटना अपडेटः ३२ जनाकै सनाखत



काठमाडौं । मुगुको छायानाथ रारा नगरपालिका वडा नम्बर ७ पिनातपने खोलामा मंगलबार भएको दुर्घटनामा परी ज्यान गुमाएका ३२ जनाको सनाखत भएको छ ।

दुर्घटनामा परी हालसम्म ज्यान गुमाएका सबैको सनाखत भएको कर्णाली प्रदेश प्रहरी कार्यालयले जनाएको छ ।

मंगलबार नेपालगञ्जबाट मुगु आउँदै गरेको भे १ ख ३१६७ नम्बरको बस दिउँसो करिब पौने २ बजे छायाँनाथ रारा नगरपालिका ७ पिना तपने खोला नजिक सडक खण्डमा दुर्घटनामा परेको थियो ।

बस सडकबाट २०० देखि २५० मिटर तल खसेको कर्णाली प्रदेश प्रहरीले जनाएको छ ।
दुर्घनामा परी २४ जनाको घटनास्थलमै मृत्यु भएको थियो भने अन्यको उपचार नेपालगञ्ज लैजाने क्रममा बाटोमै मृत्यु भएको थियो । घाइतेको भने विभिन्न अस्पतालमा उपचार भइरहेको छ ।

कर्णाली प्रदेश प्रहरी कार्यालयका अनुसार उक्त बसमा ४६ जना यात्रु सवार थिए ।
मृत्यु हुनेहरुमा मुगु छायानाँथ रारा नगरपालिका वडा ७ की अन्दाजी १९ वर्षीया लग्न सेजुवाल र उनका २ वर्षीय छोरा, सोही नगरपालिका ७ की अन्दाजी २० वर्षीया मनदेवी बम, वडा १० झारकोट की अन्दाजी १८ वर्षीया पुजा बुढा, वडा ८ का ३३ वर्षीय प्यारी वि.क र २२ वर्षीय सन्तोष वितालु, वडा १२ का २२ वर्षीय छाँता साउँद, वडा १० की २० वर्षीया सरिता खड्का, वडा १४ का २२ वर्षीय कर्ण सिंह बुढा, सोरू गाउँपालिका वडा ३ का २५ वर्षीय मनरूप कुमाल रहेका छन् ।

यसैगरी, छाँयानाथ रारा नगरपालिकाका वडा १ का २३ वर्षीया चन्द्रादेवी मल्ल, वडा ६ की १९ वर्षीया छोरी राममाया भाम, वडा १० का १८ वर्षीय अम्मर साउँद, वडा ११ का २२ वर्षीय प्रकाश बुढा, वडा ५ का २९ वर्षीय अजय कार्की, वडा ५ की ३२ वर्षीया कमला वि.सी (रावत), वडा १० का २२ वर्षीय सुनबहादुर वि.क, वडा १४ सुम्ली का १९ वर्षीय शिव बुढा, वडा ७ तोप्लाकी २१ वर्षीया अमृता शाही र उनका ४÷५ वर्षीय छोरा, वडा १४ का २० वर्षीय रूपसिंह कार्की, वडा ७ तोप्लाको २२ वर्षीय महेन्द्र शाहीको मृत्यु भएको प्रहरीले जनाएको छ ।

बाँके राझाँ बस्ने २२ वर्षीय प्रदिप स्वर्णकार, छाँयानाथ रारा नगरपालिका वडा १ का १८ वर्षीय चन्द्रप्रकाश भाम, वडा ७ का १२ वर्षीय आदित्य विक्रम शाह, वडा ८ का २८ वर्षीय टोपबहादुर विष्ट, सोरू गाउँपालिका वडा ८ का २३ वर्षीय आईत सिंह कामी, छायानाथ रारा नगरपालिका वडा ८ झ्यारी का ३३ वर्षीया भगवती चन्द, वडा ७ की १६ वर्षीय सस्मिता बम, वडा १४ का १८ वर्षीय सन्त भण्डारी, वडा ८ सिकाढीका १८ वर्षीय नविन बुढा र वडा ८ का ३५ वर्षीय चालक दानबहादुर रावलको मृत्यु भएको हो ।

यसैबीच, दुर्घटनामा परी घाइते हुनेहरुमा छायाँनाथ रारा–५ का प्रेम बहादुर रावल, छायाँनाथ रारा–१ का २१ वर्षीय शुक्रराज मल्ल, छायाँनाथ रारा–८ का २१ वर्षीय रतनसिंह रावल, छायाँनाथ रारा–७ का १८ वर्षीय शैलिन्द्र शाही, छायाँनाथ रारा–७ का २१ वर्षीय गणेश बहादुर रावल, छायाँनाथ रारा–१ की ९ वर्षीय सुस्मिता शाही रहेका छन् ।

छायाँनाथ रारा–८ की २० वर्षीय सम्झना रावल, छायाँनाथ रारा–११ की ३ १ वर्षीय रेखा सावद, छायाँनाथ रारा–५ की लक्ष्मीचन्द्रा रावल, छायाँनाथ रारा–११ का दन्ता बुढा, छायाँनाथ रारा–१३ की ७ वर्षीय सुजता बम, छायाँनाथ रारा–११ का हर्षबहादुर सावद, छायाँनाथ रारा–३ का ६ वर्षीय भूमिका बुढा पनि घाइते भएको र उनीहरु उपचार चलिरहेको प्रहरीले जनाएको हो ।

प्रतिक्रिया दिनुहोस्