काठमाडौं । अबदेखि दुबई र दिल्ली जान पीसिआर रिर्पोर्ट नचाहिँने भएको छ । नेपालबाट भारतको दिल्ली र दुबई जान अब कोभिड-१९ परीक्षणको पीसीआर रिपोर्ट नचाहिने भएको हो ।
नेपाल एयरलायन्सले मंगलबार सूचना जारी गर्दै दुवई जाने यात्रुहरूले ६ घण्टा भित्रको र्यापिड पीसीआर रिपोर्ट देखाउन नपर्ने जनाएको हो । तर उनीहरूले उडान अवधिभर ४८ घण्टा भित्र परीक्षण गर्दा नेगेटिभ भएको रिपोर्ट भने दुबई पुगेर देखाउनुपर्नेछ ।
त्यस्तै भारतले नेपालसहित ८२ वटा मुलुकबाट राजधानी दिल्ली आउने व्यक्तिलाई पीसीआर रिपोर्ट नचाहिने निर्णय गरेको छ । कोभिड १९ विरुद्धको खोप लगाएका व्यक्तिहरूका लागि भारत सरकारले यस्तो प्रावधान ल्याएको हो ।
