सल्यानमा जिप दुर्घटना, ८ जना घाइते



सल्यान : सल्यानको कपुरकोटमा जिप दुर्घटना हुँदा ८ जना घाइते भएका छन् । सल्यानको बागचौरबाट दाङतर्फ गइरहेको भे १ च १८९० नम्बरको बोलेरो जिप आइतबार बिहान कपुरकोट–३ स्थित मुलपानी वनस्पति उद्यान नजिकै दुर्घटना भएको हो ।

दुर्घटनामा घाइते भएकामध्ये एक जनाको अवस्था गम्भीर छ । उनी अन्दाजी ३५ वर्षीय पुरुष रहेका तर उनको परिचय नखुलेको प्रहरीले जनाएको छ ।

अन्य घाइतेहरुमा बागचौर नगरपालिका वडा नं. १ सल्यान निवासी अन्दाजी १४ वर्षीय आयुस बस्नेत, २२ वर्षीय मनोज बस्नेत, बागचौर नगरपालिका २ का अन्दाजी २७ वर्षीया सीता वली, २८ वर्षीया बविता रावल र उनकी छोरी एसिका छन् ।

यसैगरी गाडी चालक बागचौर नगरपालिका २ का १९ वर्षीय हिक्मत पुनमगर र बागचौर २ कै १९ वर्षीय अर्जुन केसी पनि दुर्घटनामा घाइते भएको प्रहरीले जनाएको छ ।

प्रतिक्रिया दिनुहोस्