काठमाडाैं : हलिउड, बलिउड र कलिउडमा नायिकाको पहिरनलाई लिएर विभिन्न चर्चा–परिचर्चा हुन्छ। हलिउड र बलिउडमा कुनै नायिकाले छोटा, वक्षस्थल देखिने वा पारदर्शी लुगा लगाएको खण्डमा हट नायिकाको संज्ञा दिइन्छ।
तर, कलिउडमा त्यही कुरा विवादको विषय बनिदिन्छ। साथै, नायिकाहरु चर्चाका लागि आफै मिडियालाई खुराक दिइरहेका त हुँदैनन् भन्नेबारे पनि बहस हुने गरेको छ। कतिपय अवस्थामा यो सत्य पनि सावित भएको छ। यहाँ त्यस्तै केही नायिका र तस्बिरबारे चर्चा गरिएको छ।
१. रेखा थापा
नायिका रेखा थापा आफ्नो ग्लामरस भूमिकाका कारण नेपाली सिने क्षेत्रमा जम्न सफल नायिका हुन्। यतिसम्म कि कुनै समय दर्शकले रेखाको उपनाम नै ‘देखा थापा’ राखिदिएका थिए। झन्डै २ दशक नेपाली सिने क्षेत्रमा बिताएकी रेखा एक दशक पहिरनकै कारण चर्चामा आइन्। उनले प्राय साप्रा देखिने स्कट र जिन्स लगाउँथिन्।
रेखाले वक्षस्थल देखिने लुगा निकै कममात्र लगाएको भए तापनि उनका त्यस्ता केही तस्बिर पनि चर्चामा छन्। रिल लाइफमा मात्र नभएर रियल लाइफमा समेत छोटा लुगा लगाएर हिँड्ने रेखाको कुनै समय फिल्मभन्दा ड्रेसअपको चर्चा हुन्थ्यो। तर, पछिल्लो समय भने उनले छोटा लुगा लगाउन छाडेकी छन्।
२. सुष्मा कार्की
सुष्मा कार्की नेपाली सिने क्षेत्रमा नायिका भन्दा बढी ‘आइटम गर्ल’का रुपमा चिनिइन्। अभिनयभन्दा पनि उनी वक्षस्थलमा खोपिएको ट्याटु र ड्रेसअपका कारण बढी चर्चामा रहिन्। सुष्मा वक्षस्थलको ट्याटु देखाउन वक्षस्थल नै देखिने लुगा लगाएर हिँडिन्। उनका यस्ता तस्बिर रहेकपटक मिडियामा गसिप बने।
त्यसभन्दा पनि बढी उनको विकिनी अवतारले चर्चा पायो। २०७४ सालको मंसिरको जाडोमा ‘स्विमिङ पुल’मा विकिनी अवतारमा तस्बिर खिचेर उनले आफ्नै फेसबुकमार्फत सार्वजनिक गरिन्।
यसअघि पनि उनलाई विभिन्न अवतारमा देख्नेहरुले त्यो तस्बिरलाई फिल्म नपाएपछि चर्चामा आउन सुष्माले गरेको स्क्यान्डल सम्झे। यसअघि पनि सुष्माले अनलाइखबरका लागि विकिनीमा फोटोसूट गरेर चर्चामा आएकी थिइन्।
३. प्रियंका कार्की
‘नाई नभन्नु ल २’को सक्सेस पार्टी चल्दै थियो। प्रियंका कार्कीको भित्री बस्त्र देखियो। यस विषयले मिडियामा हंगामा नै मच्यायो। २०७१ साउन महिनामा भएको यो घटनापछि प्रियंकाले फेसबुकमा पत्रकारले फोटोशपमार्फत भित्री बस्त्र देखिनेगरी फोटो बिगारेको आरोप लगाइन्।
त्यसपछि उनको झन् आलोचना हुन थालेपछि स्टाटस हटाइन् र मामिला टुंगिएको बताइन्। प्रियंका यसअघि नै पहिरन विवादमा भने आइसकेकी थिइन्। २०६५ को पुष महिनाको जाडोमा प्रियंका कार्की निकै छोटो पहिरनमा एक पार्टीमा देखा परिन्। वक्षस्थल देखिने कपडा लगाएपछि पार्टीमा सहभागी सबैको आँखा उनीतिर पर्यो।
पछि उनको तस्बिरले मिडियामा खुब चर्चा पायो। पढेलेखेकी र बौद्धिक नायिकामा गनिने प्रियंकाले बेखाबखत सामाजिक संजालमा यस्ता तस्बिर पोस्ट गरिरहन्छिन्। उनी पारदर्शी कपडा लगाएरसमेत धेरैपटक हिँडिसकेकी छन्। तस्बिरकै कारण सबैभन्दा बढी भद्धा कमेन्ट आउने नायिकामा प्रियंका पनि पर्छिन्।
४. करिश्मा मानन्धर
करिश्मा मानन्धर पहिरनका हिसाबले धेरै विवादमा नआउने नायिका हुन्। कार्यक्रमहरुमा जाँदा वानपिस लगाय तापनि उनको भित्री अंग छोपिएकै हुन्थ्यो। तर, गत वर्ष करिश्माकी छोरी कविता अभिनित फिल्म ‘म एउटा यस्तो प्रेम कहानी’को एक कार्यक्रममा करिश्माको पहिरनलाई लिएर गसिप बन्यो।
सामाजिक संजालमा ‘छोरीभन्दा आमा तरुनी’ भन्दै करिश्मालाई उडाए। वनपिसमा सजिएकी करिश्मालाई कपडा सम्हाल्न हैरानी भयो। कपडा माथि तान्दा साप्राको भाग देखिने र तल तान्दा वक्षस्थल देखिने भएपछि करिश्मालाई पहिरन कसरी सम्हाल्नु भयो।
यतिसम्म कि उनले तालीसमेत बजाउन सकिनन्। तर, पत्रकारको क्यामेरामा आउनु–नआउनु दृश्य कैद भइहाल्यो। आफ्नो अश्लिल तस्बिर बाहिर आएपछि करिश्माले फेसबुकमा लेखिन्, ‘यो पहिरन झन्डै ७ वर्ष पुरानो हो।
यो विशेषगरी अधबैंसे महिलाहरुले लगाउने गर्छन्। तर, खै के हो केही मानिसहरुको आँखामा के जडान गरेको हुन्छ कुन्नी?’ करिष्माले वक्षस्थलमा खोपेको ट्याटु देखिने खालका कपडा भने लाइरहिन्छन्।
५. सम्राज्ञी राज्यलक्ष्मी शाह
सम्राज्ञी पहिरनका कारण बेलाबेला चर्चामा आइरहन्छिन्। उनलाई पहिरनकै कारण ‘बोल्ड र सेक्सी’ नायिकाको रुपमा समेत लिने गरिन्छ। उनको पहिरले बेलाबेला विवाद र चर्चा पनि हुने गरेको छ। यसमध्ये सम्राज्ञीको विकिनी अवतार पनि एक हो।
२०७४ मंसिरमा फिल्म ‘नाई नभन्नु ल’ लिएर अष्ट्रेलिया पुगेकी साम्राज्ञी त्यहाँको समुन्द्री तटमा विकिनीमा देखिएकी हुन्। त्यस्तै, २०७४ माघमा सम्राज्ञीले वक्षस्थलको तल्लो भागमा खोपेको ट्याटुको फोटोले पनि निकै चर्चा पायो।
उनले फिलिपिन्समा खोपाएको ट्याटु देखाउन आफूले लगाइरहेको लुगा बटारेकी थिइन्। यसो गर्दा उनको वक्षस्थल पनि देखिएको थियो। यो तस्बिरको सामाजिक संजालमा निकै आलोचना भएको थियो।
सम्राज्ञीका यस्ता किस्सा धेरै छन्। गत वर्ष नेफ्टा अवार्डमा भाग लिन दुबई पुगेकी उनी बार्डरोब मालफंशन अर्थात लुगाले दिने धोकाको शिकार भइन्। भित्री बस्त्र देखिएपछि सम्राज्ञीको तस्बिर एकाएक सामाजिक संजालमा भाइरल बन्यो।
६. नम्रता सापकोटा
२०७४ मंसिरमा नम्रता एक कार्यक्रमका लागि युएई पुगेकी थिइन्। गोप्य अंग देखिने पहिरनमा सजिएकी नम्रतालाई कार्यक्रम अवधिभर आफ्नो रातो गाउन सम्हाल्नै धौ–धौ भयो। क्यामेराहरु उनको वक्षस्थललाई फोकस गर्दै तस्बिर कैद गर्नमा ब्यस्त भए।
उनको तस्बिरले सामाजिक संजाल र मिडियामा राम्रै चर्चा पायो। सकारात्मक तथा नाकारात्मक दुवै प्रतिक्रिया आए तापनि फिल्मी क्षेत्रमा नवनायिकाको रुपमा उदाएकी नम्रता गसिप बनेर चर्चामा आउन सफल भइन्।
७. गरिमा पन्त
फिल्म ‘झोला’मा अभिनय गरेर उत्कृष्ट अभिनेत्रीको उपाधी पाएकी गरिमा पहिरनका हिसाबले निकै सतर्क नायिका मानिन्छिन्। उनले आफ्नो करियरमा रियल होस् या रिल लाइफमा आलोचना हुने पहिरन लगाइनन्।
तर, जब उनी फिल्म बृत्तबाट टाढा भइ हरि थापासँग बिहे गरेर बेल्जियम हानिइन् तब उनको हट अवतार देखिन थाल्यो। यतिसम्म कि गरिमा विकिनीमामात्र होइन पारदर्शी र वक्षस्थल देखिने पहिरनमा सजिन थालिन्। पछिल्लो उनको पहिरनको सामाजिक संजाल र मिडियामा निकै चर्चा हुने गरेको छ।
८. शिल्पा पोखरेल
५ वर्षअघि फिल्म ‘लज्जा’को समयमा शिल्पा पहिरनका कारण चर्चा आइन्। आफूले लगाएको गाउन सम्हाल्न नसकेपछि उनको भित्री बस्त्र देखियो। तस्बिर पत्रकारको क्यामेरामा कैद भएपछि सामाजिक संजालमा भाइरल बन्यो। त्यसपछि शिल्पाले आफूलाई सम्हाल्दै आएकी छन्।
९. पूजा शर्मा
पूजा शर्मा बेलाबेलामा चर्चामा आउन रुचाइरहने नायिका हुन्। ३ वर्षअघि ‘प्रेमगीत’को सफलतापछि उनको एउटा तस्बिरको निकै आलोचना भयो। एलजी फिल्म अवार्डमा सहभागी भएकी पुजा आफूले लगाएको पहिरनका कारण चर्चामा आइन्।
सो पहिरनमा पुजाको वक्षस्थल देखिएको थियो। जुन तस्बिरले सामाजिक संजाल र मिडिया ततायो। सामाजिक संजालमा पोस्ट गर्ने उनको तस्बिरको बेलाबेला चर्चा भइरहन्छ।
१०. वर्षा राउत
पछिल्लो समय सबैभन्दा बढी चर्चामा रहेको तस्बिर हो वर्षा राउतको। चलचित्र ‘जात्रै जात्रा’ प्रमोशनका लागि अष्ट्रेलिया पुगेकी वर्षाले एक समारोहमा लगाएको पहिरनले १ साता बितिसक्दासमेत चर्चा समाइरहेको छ। साथै, वर्षा सामाजिक संजालमा समेत ट्रोलको शिकार हुन पुगिन्।
शुक्रबार साँझ सिड्नीमा आयोजित चलचित्रको विशेष शोमा वर्षा वक्षस्थल देखिने पहिरनमा सजिएकी थिइन्। सभ्य पहिरन लगाउने नायिकाको रुपमा आफ्नो परिचय बनाएका कारण पनि वर्षाको यस्तो अवतारले उनका फ्यान निराश भएका थिए। धेरैले वर्षाको पहिरनलाई स्क्यान्डलका रुपमा लिएका छन्।
