काठमाडौं : म्युजिक भिडियो हुँदै फिल्ममा डेब्यु गरेकी केकी अधिकारी सधै चर्चामा रहिरहन्छिन्। उनी अभिनित फिल्म ‘छ माया छपक्कै’ दशैँमा प्रदर्शन हुँदैछ। यो फिल्ममा उनलाई दीपकराज गिरीको अपोजिटमा देखिनेछ।
केकीले आफ्नो स्वास्थ्यको पनि खुबै ख्याल गर्छिन्। केही महिनायता उनी आफ्नो ज्यानलाई स्वस्थ राख्न उनी जिम जाने गरेकी छिन्। उनी जुम्बा र योग गर्ने गरेको बताउँछिन्।
सामाजिक सञ्जालमा पनि उत्तिकै सक्रिय रहने केकी सामाजिक विषयमा पनि खुबै चासो राख्ने गर्छिन्। अरु नायिकाहरु मौन रहेका बेला उनले शिल्पा पोखरेललाई समर्थन गर्दै स्टाटस लेखेकी थिइन्। शिल्पा र निर्माता छविराज ओझाबीच झगडा भएको थियो। शिल्पाले आफू घरेलु हिंसामा परेको बताउँदै आएकी छिन्।
शूटिङ नहुँदा आफ्नो निरन्तर जिम जाने केकीले खानामा पनि उत्तिकै ख्याल गर्ने गर्छिन्। जिम गर्दै गरेका केही तस्वीर यहाँ प्रस्तुत छन्, यी तस्वीरलाई फोटो पत्रकार कुबेर डंगोलले खिचेका हुन्।
