सुनसरी । सुनसरीको दुहबीमा नेकपा एमाले र नेपाली कांग्रेसका मेयरका उम्मेदवारमा कडा कडा प्रतिस्पर्धा देखिएको छ। यता उपमेयरमा कांग्रेस अगाडी देखिएको छ।
यो समाचार तयार पार्दासम्म नेकपा एमालेबाट मेयरका उम्मेदवार विनयकुमार पोखरेलले २ हजार ५२ मत ल्याएर अग्रता लिएका छन्। उनका निकटतम प्रतिद्वन्द्वी नेपाली कांग्रेसबाट मेयरका उम्मेदवार वेदनारायण गच्छदारले १९ सय ४८ मत प्राप्त गरेका छन्।
उपमेयरमा नेपाली कांग्रेसबाट उपमेयरकी उम्मेदवार मेनुका पोखरेल खतिवडाले १८ सय २६ मत प्राप्त गरेकी छन् भने जनता समाजवादी पार्टी र नेकपा एमालेबाट गठबन्धन गरेका जसपाबाट उपमेयरका उम्मेदवार सरोज कुमार सिंहले ८ सय २९ मत प्राप्त गरेका छन्।
यसैगरि जनमत पार्टीबाट मेयरका उम्मेदवारले १ सय ४७ मत प्राप्त गरेका छन्। राप्रपाबाट मेयरका उम्मेदवारले ७७ मत प्राप्त गरेका छन्। माओवादी केन्द्रबाट मेयरका उम्मेदवारले ४४ मत प्राप्त गरेका छन्।
स्वतन्त्रबाट मेयरका उम्मेदवारहरूले क्रमशः ३२ र १९ मत प्राप्त गरेका छन्। यसैगरी राप्रपाबाट उपमेयरका उम्मेदवारले १ सय ६० मत प्राप्त गरेका छन् । लोसपाबाट उपमेयरका उम्मेदवारले ७० मत प्राप्त गरेका छन्। माओवादी केन्द्रबाट उपमेयरका उम्मेदवारले ५४ मत प्राप्त गरेका छन्। अहिले दुहबी वडा नम्बर २, ३ र १२ को मतगणना भइरहेको छ।
अहिलेसम्म दुहबी वडा नम्बर १ बाट नेकपा एमालेका वडाध्यक्षका उम्मेदवार अजुल हुसैन ९ सय २९ मतसहित वडाध्यक्षमा विजयी भएका छन्। उनका निकटतम प्रतिद्वन्द्वी नेपाली कांग्रेसका जाकिर मियाँले ८ सय १३ मत प्राप्त गरेका छन्। २०७४ सालको स्थानीय चुनावमा नेकपा एमालेबाट अजुल हुसैन दुहबी वडा नम्बर १ मा ५ सय ४८ मत सहित वडाध्यक्षमा विजयी भएका थिए।
२०७४ सालको स्थानीय चुनावमा नेपाली कांग्रेसबाट अरविन्द विश्वासले दुहबी वडा नम्बर २ मा २ सय ८३ मत सहित वडाध्यक्षमा विजयी भएका थिए भने हाल नेपाली कांग्रेसबाट वडाध्यक्षको उम्मेदवारमा दुहबी २ नम्बर वडामा ४ सय ६३ मत सहित अग्र स्थानमा छन्।
२०७४ सालको स्थानीय चुनावमा नेकपा एमालेबाट माधव भण्डारीले दुहबी वडा नम्बर ३ मा ५ सय ४० मत सहित वडाध्यक्षमा विजयी भएका थिए भने हाल नेकपा एमालेबाटै ३ नम्बर वडामा ३ सय ८८ मत सहित अग्र स्थानमा छन्। २०७४ सालको स्थानीय चुनावमा मधेसी जनअधिकार फोरम लोकतान्त्रिकबाट वडाध्यक्षमा खुसीलाल चौधरीले दुहबी वडा नम्बर १२ मा ९ सय ९० मत सहित वडाध्यक्षमा विजयी भएका थिए भने हाल नेपाली कांग्रेसबाट १२ नम्बर वडामा २ सय ७६ मत सहित दोस्रो स्थानमा छन्।
