काठमाडौं । भक्तपुरको मध्यपुरथिमि नगरपालिका–८ बोडेमा एक जनाको हत्या भएको छ। स्थानीय ५१ वर्षीय कल्याण साहुको आज हत्या भएको हो।
हत्यामा संलग्न रहेको आशंकामा प्रहरीले ४ जनालाई पक्राउ गरेको छ। काठको फर्माले हानेर हत्या गरेको अवस्थामा बोडेको लर्डबुद्ध स्कुल अगाडि निर्माणाधीन टहरामा साहुको शव फेला परेको थियो।
महानगरीय प्रहरी परिसर भक्तपुरका प्रहरी नायव उपरीक्षक राजु पाण्डेले साहुको हत्या आकंकामा ४ जनालाई पक्राउ गरेर अनुसन्धान थालिएको बताएका छन्। प्रहरीले घटनास्थलबाट रगताम्मे भएको फर्मा बरामद गरेको छ।
