काठमाडौं : पूर्वयुवराज्ञी हिमानी शाहले सोमबार बिहान पशुपतिनाथ मन्दिरको दर्शन गरेकी छिन् । शाहले साउने सोमबारको अवसर पारेर श्रावण २० गते बिहानै पशुपतिनाथको दर्शन गरेकी हुन् ।
छोरी पूर्णिका र छोरा हृदयन्द्रका साथ पशुपतिनाथ पुगेकी उनले करिव २० मिनेट मन्दिर भित्र पूजा आराधना गरेकी छिन् ।
दर्शनका क्रममा पूर्व युवराज्ञी शाहले फोटो खिच्ने भक्तजनहरुको इच्छालाई पनि पूरा गरिदिएकी थिइन् ।
साउने सोमबार व्रत बसे शिवजी प्रशन्न हुने र मनोकांक्षा पूरा हुने धार्मिक विश्वास रही आएको छ ।
