काठमाडौं : प्रहरीले एटीएमबाट अनधिकृत रुपमा पैसा निकाल्ने ५ जना चिनियाँ नागरिकलाई पक्राउ गरेको छ ।
शनिबार राति दरबारमार्गस्थित नविल बैंकको एटीएमबाट पैसा निकाल्दै गरेको अवस्थामा प्रहरीले उनीहरुलाई पक्राउ गरेको हो । पक्राउ परेकाहरुको नाम खुलाइएको छैन भने उनीहरुलाई महानगरीय प्रहरी परिसर टेकुमा राखिएको प्रहरीले जानकारी दिए ।
पक्राउ परेका उनीहरुको साथबाट प्रहरीले १ करोड २६ लाखभन्दा बढी नेपाली र ९ हजारभन्दा बढी अमेरिकी डलर बरामद गरेको छ ।
आइतबार दिउँसो पत्रकार सम्मेलन गरी उनीहरुलाई सार्वजनिक गर्ने काठमाडौं प्रहरी परिसरकाले जानकारी दिएको छ ।