काठमाडौं । घरेलु टोली पाकिस्तानलाई तेस्रो खेलमा ६३ रनले पराजित गर्दै इंग्ल्यान्डले ७ टी-२० आई क्रिकेटमा २-१ को अग्रता बनाएको छ। २ सय २२ रनको विशाल लक्ष्य पछ्याएको पाकिस्तान २० ओभरमा ८ विकेट गुमाएर १ सय ५८ रनमा समेटियो।
पाकिस्तानका शान मसुदले सर्वाधिक ६६ रन बनाए। यस्तै, खुसदिल शाहले २९ रनको योगदान गरे। इंग्ल्यान्डका मार्क उडले ३विकेट लिए। त्यसअघि टस हारेर पहिला ब्याटिङ गरेको इंग्ल्यान्डले २० ओभरमा ३ विकेट गुमाएर २ सय २१ रन बनाएको थियो।
उसका बेन डुकेटले ७० तथा ह्यारी ब्रुक्सले ८१ रन बनाए। यस्तै, विल ज्याक्सले ४० रनको योगदान गरे। पाकिस्तानका उस्मान कादिरले २ विकेट लिए।
