काठमाडौँ । लघुवित्त संस्थाहरूको खारेजीको माग गर्दै लघुवित्तिय संस्थाविरुद्धको संघर्ष समितिले मंगलबार काठमाडौंमा प्रदर्शन गरेको छ ।
लघुवित्तीय संस्थाले आर्थिक र समाजिक रूपान्तरणको नाममा जनतालाई शोषण गरेको भन्दै लघुवित्तिय संस्था खारेज गर्नुपर्ने उनीहरूको माग छ ।
संघर्ष समितिका अध्यक्ष मनिराम ज्ञवालीले लघुवित्त संस्थाहरूले राष्ट्र बैंकको ’घ’ वर्ग भएको भन्दै नेपाली जनतालाई शोषण गर्न नपाउने बताएका छन् ।
उनले लघुवित्तिय संस्थाहरूले लगाएको सामूहिक ऋण मिनाहा गर्नुपर्ने, आम गरिब किसानहरूलाई निःशुल्क ऋण दिनुपर्ने, आवश्यकता र क्षमतामा आधारित काम र रकमको व्यवस्था गर्नुपर्ने माग गरेको जिकिर गरे । संघर्ष समितिले समाजवादी अर्थतन्त्रको विकास गर्नुपर्नेसमेत जनाएको छ ।
