काठमाडौँ । प्रतिनिधिसभा नियमावली मस्यौदा समितिले उपसभामुखलाई विगतमा भन्दा थप केही अधिकार दिने र थप सक्रिय बनाउने गरी प्रचलित व्यवस्था बदल्ने निर्णय गरेको छ।
प्रतिनिधिसभा नियमावली २०७५ को नियम ६ को उपनियम ४ मा ‘सभामुखले प्रत्येक बैठकको प्रारम्भ तथा स्थगनको घोषणा गर्नेछ’ भन्ने उल्लेख छ। यस व्यवस्था अनुसार सभामुख अस्वस्थ भएको अवस्थामा, सभामुख विदेश भ्रमण गएको अवस्थामा वा अन्य कुनै कारणले सभामुख व्यस्त रहेको अवस्थामा सदन सञ्चालन हुन सक्दैन्।
विगतको यही तथ्यलाई ख्याल गरेर ‘काबु बाहिरको स्थिति’मा सभामुखको लिखित अनुमतिमा उपसभामुखले प्रतिनिधिसभाको बैठकको प्रारम्भ र स्थगत गर्ने व्यवस्था राख्ने सहमति जुटेको एमाले सांसल लिलालाथ श्रेष्ठले जानकारी दिए।
साथसाथै, निर्धारित समयभन्दा २ घण्टा ढिलो भए प्रतिनिधिसभाको बैठक स्वतः स्थगित हुने प्रचलित व्यवस्था बदलिने भएको छ। तोकिएको समयभन्दा एक घण्टा ढिलोसम्म बैठक सुरु हुन नसके संसद बैठक स्थगित हुने गरी नयाँ व्यवस्था राखिएको छ।
