काठमाडौं । सामाजिक सञ्जाल चरित्र हत्या गर्ने एक जना पक्राउ परेका छन् । झापा गाउँपालिका वडा नं ६ का कादिर मोमिन पक्राउ परेका हुन् ।
उनले सामाजिक सञ्जाल फेसबुकमा पीडित महिलाको वाल र टाइमलाइनमा अन्य महिला मानिसको शरीरको तस्बिरमा जोडी पोस्ट गरेका थिए । उनी महिलाको फेसबुक पोस्टमा अश्लील शब्दहरू लेखी पोस्ट गर्नुको साथै पीडित महिलाको टिकटक एकाउन्टमा राखिएका सामाग्रीहरूमा समेत अश्लील क्याप्सन राखी पोस्ट गर्ने गरेका थिए ।
मोमिनलाई चैत २४ मा झापाबाट पक्राउ गरिएको हो । उनलाई विद्युतीय कारोबार ऐन २०६३ अन्तर्गतको कसुरमा काठमाडौँ जिल्ला अदालतबाट पक्राउ अनुमति लिई चार दिन म्याद थप गरी आवश्यक अनुसन्धान भइरहेको प्रहरीले जनाएको छ ।