काठमाडौँ । सत्तारुढ दल नेपाली काँग्रेसका महामन्त्री गगन थापाले साना तथा ठुला सबै पूर्वाधारको अवस्था बेहाल रहेको बताएका छन् । आज बुधवार बसेको प्रतिनिधि सभाको बैठकमा बोल्दै महामन्त्री थापाले आफूले गरेको संवाद यात्राको क्रममा पूर्वाधारको अवस्था बेहाल पाएको जानकारी गराएका हुन् । उनले भने, ‘चाहे झापाको कन्काइ पुल होस्, चाहे मोरङको रतुवामाई पुल होस्, धनुषाको कमला पुल होस् । बाटोमा परेका ठुला आयोजना हुन् वा साना साना आयोजना हुन् । सबै आयोजनाको बेहाल छ ।’
सडक निर्माण समयमा हुन नसक्नु, रुख काट्न नपाएर र सरकारले भुक्तानी नदिएर आयोजना बेहाल भएको सुनेको पनि थापाले बताए । उनले भने, ‘यो कुरा गर्दै गर्दा एक अर्काले सजिलैसँग आरोप लगाउँछौँ । अलि गहिरिएर हेर्यौँ भने सबै सरकारमा बसेका छौँ ।’
