सर्वोच्चको नयाँ आदेशपछि ब्राजिलका पूर्वराष्ट्रपति जेलमुक्त हुने सम्भावना


एजेन्सी : ब्राजिलको सर्वोच्च अदालतले जेलमा रहेका वामपन्थी राजनीतिज्ञ एवं पूर्व राष्ट्रपति लुइज इनासियो लुला डा सिल्भालाई जेलमुक्त गर्न बाटो खोलिदिएको छ । फौजदारी मुद्दामा पहिलो सुनुवाई हुँदा कुनै व्यक्ति हारेमा पनि त्यस्तो अभियोग प्रमाणित नहुँदासम्म जेल जानैपर्ने यसअघिको फैसला अदालतले उल्ट्याएको छ ।

यही आधारमा नेता लुला तत्कालका लागि जेलमुक्त हुनसक्ने अड्कलबाजी गरिएका छन् । लुलाका वकीलहरुले पूर्व राष्ट्रपति लुलाको तत्काल रिहाईका लागि पहल गरिने बताएका छन् ।

लुलाका कानुन व्यवसायीहरुले जारी गरेको वक्तव्यमा पूर्व राष्ट्रपति लुलाले कुनै गलत कार्य नगरेको र कानुनी जालोबाट पीडित मात्र बनाइएको जिकिर गरेका छन् । उनीहरुले लुलाको राजनीतिक जीवन समाप्त पार्न कानुनी अडचन झिकेर फसाइएको दाबी गरेका छन् ।

सर्वोच्च अदालतमा नयाँ आदेशको पक्ष र विपक्षमा न्यायाधीशहरु बाँडिएका थिए । मतविभाजनका आधारमा गरिएको निर्णयमा तीन वर्ष पहिलेको आदेशलाई उल्ट्याउने पक्षमा ६ र विपक्षमा ५ मत परेको थियो । “कार वास” नामको एक अनुसन्धानमा पूर्व राष्ट्रपति लुलाको संलग्नता रहेको र भ्रष्टाचार गरेको आरोप लगाइएको छ ।

अदालतको आदेश जेजस्तो भए पनि अभियोजनकर्ता सरकारी वकीलहरुले लुला विरुद्धको भ्रष्टाचार छानबिनलाई निरन्तरता दिने बताएका छन् । आमजनताले पनि ब्राजिलमा मौलाएको भ्रष्टाचारका कारण दैनिक जीवन कष्टकर बनेको तथा राष्ट्रको प्रतिष्ठा रसातलमा पुगेको भन्दै आक्रोश पोख्दै आएका छन् ।

सर्वोच्च अदालतका प्रधान न्यायाधीश जोजे एन्टोनियो डायास टोफोलीले नयाँ आदेशको पक्षमा मतदान गर्नुभएको थियो, यद्यपी ठूलो संख्याका राजनीतिक नेताहरुले सर्वोच्चको पूर्व निर्णयलाई यथावत राख्न अनुरोध गरेका थिए ।

अदालतले यही प्रकृतिका मुद्दामा जेलजीवन व्यतित गरिरहेका पाँच हजारभन्दा बढीको सुनुवाई गर्नु पर्नेछ । तर हिंसात्मक अपराधमा दोषी ठहर भएका व्यक्तिका सन्दर्भमा भने यो आदेश कार्यान्वयनमा आउने छैन । सर्वोच्च अदालतमा नयाँ आदेशको विपक्षमा मतदान गरेका न्यायाधीश लुइस रोबर्टो बारोसोले पछिल्लो व्यवस्था गरिबका लागि नभई धनीहरुका लागि फलदायी हुने दाबी गरे ।

लुलाले स्थापना गरेको वर्कर्स पार्टीका सभापति ग्लेसी होफमानले क्रुरताको अन्त्य हुने विश्वास व्यक्त गरे । उनले आफूहरु न्यायका लागि भएको संघर्षलाई निरन्तरता दिने र सत्यको अवश्य विजय हुनेछ भने । रासस

प्रतिक्रिया दिनुहोस्
मुख्य समाचार

काठमाडौं : ५२ सदस्यीय प्रतिनिधिमण्डलको नेतृत्व गर्दै नेपाल आइपुगेका बंगलादेशका राष्ट्रपति मोहम्मद अब्दुल हमिद आज

काठमाडौं : काठमाडौंको रानीपोखरीको मध्य भागमा रहेको बाल गोपालेश्वर मन्दिरको पुनर्निमार्ण कार्य धमाधम भइरहेको छ

काठमाडौं : बङ्गलादेशका राष्ट्रपति मोहम्मद अब्दुल हमिदको नेपाल भ्रमण दलमा रहेका सदस्यले आज काठमाडौंको चन्द्रागिरि

पर्सा : आगामी मङ्सिर १४ गते हुने उपनिर्वाचनलाई मध्यनजरलाई ध्यानमा राखी पर्साको सखुवाप्रसौनी–५ मा हुने

काठमाडौं : गत असोज ३० गते पक्राउ परी जिल्ला प्रहरी कार्यलय दाङको हिरासतमा रहेका नेत्रवित्रम

काठमाडौं : चारदिने नेपाल भ्रमण सकाएर बंगलादेशका राष्ट्रपति मोहम्मद अब्दुल हमिद आज बंगलादेश फर्किदै छन्

काठमाडौं : दुग्ध विकास संस्थानले शुक्रबार एक सूचना प्रकाशित गरी १ सय २३ जना कर्मचारीको

काठमाडौं : नेपालले एसियन भलिबल कन्फेडेरेसन (एभिसी) सेन्ट्रल जोन सिनियर महिला भलिबल च्याम्पियनसिपको उपाधि जितेको

काठमाडौं : चीन सरकारको सहयोगमा दैलेखमा पेट्रोलियम पदार्थको विस्तृत अन्वेषणको काम अगाडि बढाइएको अधिकारीहरूले बताएका

काठमाडौं : आउँदो अंग्रेजी वर्षको शुरुवातसँगै नेपालले शुरु गर्न लागेको नेपाल भ्रमण वर्ष २०२० को

काठमाडौं : निजामती सेवाका कर्मचारीको अवकास हुने उमेर ५८ वर्षबाट बढाएर ६० वर्ष पुराउने गरी

काठमाडौं : बङ्गलादेशका राष्ट्रपति मोहम्मद अब्दुल हमिदले पोखराको भ्रमणको क्रममा फेवातालमा आफ्नी धर्मपत्नीका साथ जलविहार