अष्ट्रेलियामा एक नेपाली महिलाले यसरी गरिन् श्रीमानको हत्या


काठमाडौं : अष्ट्रेलियामा एक नेपाली युवतीले केही दिन अघि मात्रै आफ्नै श्रीमानको चक्कु प्रहार गरी हत्या गरिन् । आफ्नै श्रीमतीको चक्कु प्रहारबाट घाइते भएका पति सन्तोष गौतमको अत्यधिक रक्तश्रावका कारण मृत्यु भएको अस्पतालले जनाएको छ ।

गौतम जोडी केही समय पहिलेदेखि तनावमा देखिन्थे । उनीहरुको तनावको कारण थियो– अष्ट्रेलियामा थप बस्न पाइन्छ वा पाइँदैन । तर चक्कु हानाहान यसै विषयलाई लिएर भयो अरु कुनै थियो भन्ने कुरा प्रहरी अनुसन्धान मातहत नै छ ।

अष्ट्रेलियामा नेपालीहरुको जनसंख्या बढ्दो छ । त्यसैले पनि नेपालीहरुमाझ अपराधका घटनाहरु बढ्ने क्रम जारी छ । उच्च शिक्षा र उज्जवल भविष्यको चाहना राखेर त्यहा पुगेका नेपालीहरुले बेलाबेलामा अकल्पनीय दुर्घटनामा पर्ने गरेका छन् ।

अष्ट्रेलिया नेपालमा कल्पना गरेजस्तो छैन । यहाँ निकै समस्याहरु छन् । यसैकारण नेपालीहरु आत्महत्याको निर्णयमा पुग्छन् । नेपालमा सापेक्षतामा आमाबाबुको संरक्षणमा हुर्किएका नेपालीहरु त्यहाँ पुगेर निकै कज्याइँदा हीनताबोध महसुस गर्दछन् । त्यसबाट उत्पन्न हुने आवेगमा आएर उनीहरुले मृत्युसम्म रोज्ने गरेका छन् ।

सिड्नीमा ब्यवस्थित रुपमा बस्दै आएकी एक नेपाली चेली पेसाले नर्स थिइन् । उनीसँगै बस्ने अर्की महिला अध्ययन गर्न त्यहाँ गएकी थिइन् । तर उनीहरु दुबैले मिलेर आत्महत्या गरे । यसको कारण मानसिक समस्या भएको भन्ने बाहेक केही पनि खुलेको छैन ।

अष्ट्रेलियामै पनि मानसिक रोगीहरु निकै छन् । त्यसमा नेपालीहरुको संख्या उल्लेख्य रहेको अष्ट्रेलियाली चिकित्सकहरुले भनाइ छ । अष्ट्रेलियाको राष्ट्रिय अनुपात जस्तै प्रत्येक ५ नेपालीमा एक व्यक्तिमा कुनै न कुनै मानसिक समस्या रहेको उनीहरुको दाबी छ । विशेष गरेर आफुमा समस्या भएपनि स्वीकार गरिनहाल्ने र उपलब्ध सेवाहरु समेत समयमै नलिने प्रवृत्तिका कारण नेपालीहरु मानसिक रोगको चपेटामा पर्दै गएका उनीहरुको दाबी छ ।

त्यहाँ गएर काम गरिरहेका र अध्ययन गरिरहेका नेपालीहरु अधिकांशले डाक्टरकहाँ नगई समस्यालाई आफ्नै मनमा राख्दा यस्ता अप्रिय घटना हुने गरेका छन् । मनोरोग विशेषज्ञका अनुसार नेपालीहरु डाक्टरकोमा गए पनि ढिला गरी पुग्ने गरेका देखिन्छन् ।

अष्ट्रेलियाको सरकारको तथ्यांक हेर्दा आत्महत्याको दर प्रत्येक वर्ष झन बढ्दो मात्रामा देखिन्छ । मानसिक रोग यहाँ मृत्युको कारक रोगमध्ये १३ औं नम्बरमा आउँछ । यहाँको केन्द्र र राज्य सरकारले मानसिक रोग भएकालाई उपचारका लागि विभिन्न गोप्य परामर्श, उपचारहरु समेत उपलव्ध गराउने गरेको छ । यद्यपि मानसिक रोग अपेक्षित रुपमा नियन्त्रणमा आउन सकेको छैन ।

यसरी मानसिक रोग सबैभन्दा बढी युवाहरुमा हुने गरेको छ । त्यहाँ रहेका नेपालीहरुमा आफ्ना समस्याहरु अरुलाई भन्ने वातावरण नभएकाले समेत समस्या थपिदै गएको उनको भनाइ छ । एकातिर सामाजिक सहयोग र सहकार्य कम हुने र आफ्नो नजिकको परिवार पनि आफुसँग नहुने भएकाले मानसिक रोगले अझ समस्या सृजना गरेको हो ।

मेलबर्नमा मानसिक रोग विशेषज्ञका रुपमा काम गरिरहेका डा. अनुपम पोखरेल नेपालीहरुमा मानसिक समस्या बढ्दै जानुमा अष्ट्रेलिया आउनुअघि जे सोचेर आएको हुन्छ, त्यस्तो वास्तविकता नहुने र नेपालमा परिवारले आवश्यकताभन्दा धेरै अपेक्षा गर्नाले समस्या आउने गरेको हो ।

विद्यार्थीहरु त्यहाँ जानुअघि नै त्यहाँको वास्तविकता र यथार्थसँग परिचित भएर गएको खण्डमा केही हदसम्म उनीहरुलाई सहज हुने अध्ययनले देखाउँछ । यसरी आफूलाई सम्हाल्न नसक्दा आत्महत्यासम्मको बाटो आफ्नो सन्ततीले रोज्न थालेपछि ऋण, सापटी गरेर अष्ट्रेलिया पठाउने आमा बुबाको अवस्था के होला । यतातिर पनि सोच्नुपर्ने अवस्था आएको छ । यस्तै सरोकारवालाले यस विषयमा गंभीर भएन भने यस्तो दुःखद घटनाहरु बारम्बार नदोहोरिएला भन्ने सकन्न । त्यसैले सबै बेलैमा सचेत हुने कि ?

प्रतिक्रिया दिनुहोस्
मुख्य समाचार

काठमाडौं : महाराजगञ्जस्थित त्रिवि शिक्षण अस्पतालमा कोरोना संक्रमणबाट एक कर्मचारीको मृत्यु भएको छ । अस्पतालमा

काठमाडौं : धरानमा थप एक जना कोरोना संक्रमित पुरुषको मृत्यु भएको छ । बीपी कोइराला

दिक्तेल : खोटाङको दिप्रुङ चुएचुम्मा गाउँपालिकाभित्रका ४८ विद्यालयमा सामाजिक दूरी कायम गर्दै स्वास्थ्य सुरक्षा तथा

काठमाडौंः सरकारले असोज ८ र १२ गते बसेको मन्त्रिपरिषद् बैठकका निर्णयहरू सार्वजनिक गरेको छ ।

धरानः धरान उपमहानगरपालिका-२ की कोरोना संक्रमित महिलाको उपचारको क्रममा आज (सोमबार) मृत्यु भएको छ ।

काठमाडौं : १६ वर्ष मुनिका बालिका बलात्कार गरी हत्या गर्ने घटनाविरुद्धका कानुनी प्रावधानमा कडाइ पार्नका

काठमाडौं : यातायता व्यवस्था विभागले असोज २० गतेबाट दशैंको अग्रिम टिकट बुकिङ खुलाउन प्रस्ताव गरेको

काठमाडौं– संघीय संसदमा प्रतिनिधित्व गर्ने महिला सांसदहरुले संविधान संशोधन गरेर १६ वर्ष मुनिका बालिकालाई बलात्कार

काठमाडौंः प्रधानमन्त्री एवंं नेकपा अध्यक्ष केपी शर्मा ओली र अर्का अध्यक्ष पुष्पकमल दाहाल ‘प्रचण्ड’बीच मन्त्रिपरिषद

काठमाडौं : संघीय संसदमा प्रतिनिधित्व गर्ने सबै राजनीतिक दलका महिला सांसदहरुले १६ वर्षभन्दा मुनिका बालिकालाई

काठमाडौं : नेपाल कम्युनिष्ट पार्टी (नेकपा)का अध्यक्षद्वय केपी शर्मा ओली र पुष्पकमल दाहालबीच भेटवार्ता हुँदैछ

काठमाडौं : जल तथा मौसम पूर्वानुमान महाशाखाले आज देशभरको मौसममा सामान्यदेखि आंशिक बदली रहने जनाएको